真愛難尋，小弟活咗幾十年搵極都搵唔到真愛，只能嘆一句無奈，時也命也。諗諗吓又唔使咁淒涼嘅，9月3日喺日本就可以搵到「真愛」，仲可以同佢談心添！我所講嘅係參加青春嫩口日本寫真妹保田真愛嘅握手簽名會。當日真愛會去到日本信長書店日本橋分店宣傳其寫真映像作品《She Loves You》，到時大家去到會場購買一隻相關DVD可以同真愛握手、簽名以及傾幾句偈，仲可以參加一次水着團體攝影會，買兩隻碟可額外參加多一次水着團體攝影會，買夠三隻碟嘅話真愛就會喺你帶嚟嘅其中一件私人物品上面親筆簽名。雖然阿妹係就係瘦瘦削削，身材唔係咁有睇頭，但係青春活潑氣息濃郁，令人如沐春風，加上甜美嘅笑容，甚討人歡喜，出道以來人氣相當不俗，故當日握手會一定粉絲眾多，大家想搵真愛就要早少少到場喇！快啲Click上網了解活動詳情。