DDF Awards話咁快又一年，提名名單已公布，四仔迷可以上網投票選出心水脫星。雖然有網民話呢個頒獎禮「咪咪大獎項小」，之不過亦有人話佢夠公平公開公正，起碼唔會獨沽一味美國妹或大牌脫星先有資格入圍，近近哋英意法，遠至羅馬利亞、希臘嘅囡囡都有份參加，閣下唔關心個獎睇吓其他國家嘅脫星都好吖！
點解話DDF Awards頒獎禮係無聲無「色」呢？皆因由2014年開始舉辦至今踏入第三屆都係咁無Noise，無計啦，頒獎禮全部喺網上搞掂，網上投票、網上頒獎，頒完唔會有慶功派對，各得獎者都係自己恭賀自己，有人話咁慳水慳力，都唔知搞嚟為乜！但識貨嘅人就知呢個頒獎禮係好嘢，皆因每次公布得獎名單後，網民都心服口服，討論區唔會睇到反對或替脫星不值等留言，反而係開始留意得獎脫星，就以上年全球最多巴打關注嘅巨乳女神獎為例，得獎脫星係羅馬尼亞妹Sensual Jane，阿妹對36E巨乳係無添加，自得獎後喺美國四仔界大展拳腳，好多大廠都爭住搵佢開片，證明呢個獎低調但具有公信力！
踏入第三屆，提名名單喺官網一眼睇晒，同以往一樣獎項分為Glamour、Hardcore、Busty、Foot Fetish、BDSM、Newcomer及MILF一共7大獎項。細佬研究過，雖然官方冇交代提名準則，但個人認為非常公道，每個獎項嘅候選脫星雖然得4名，但都係精中之精，例如今年角逐Glamour女神獎嘅候選脫星包括Anissa Kate、Eva Parcker、Mia Malkova及Tracy Lindsay，佢哋唔係公認嘅一姐，而係嚟自法國、意大利同美國，起碼夠公道先啦！
講完咁多廢話，咁今年入圍名單又點睇呢？嗱，坦白講細佬認為除咗角逐新人獎Newcomer嘅候選脫星弱雞啲外，其餘角逐6個獎項嘅脫星都係極具實力，尤其候選巨乳女神獎嘅脫星個個都係堅大波，上屆得主Sensual Jane今年再度入圍，佢最大對手係美國妹Alyson Tyler，呢件報稱90後36D假波妹，身高5呎10吋，喺床上惡到冇朋友，近年喺歐美都好多人Like佢，有排鬥呀！而最有機會奪得Foot Fetish戀足獎係西班牙妹Alexa Tomas，因為佢雙腿實在太正！至於角逐BDSM女神獎方面，波蘭妹Misha Cross竟然入圍，無錯阿妹有玩愉虐，但呢位新人都唔算鑊鑊甘，真係唔明點解佢會入圍囉！
撰文：祖