情侶一起過夜，你估第二朝早起身男士第一件事要做咩呢？有唔少上咗年紀嘅男士都受到勃起功能障礙困擾，美國有大學研究出用震波治療可以改善情況。食飯要定時，但係做愛就未必需要咁準時，早前日本有個調查發現當地女仔做愛好隨意。
天王有句金句——我朝早唔會空肚食早餐！無厘頭兼搞笑，不過我就覺得此金句完全冇問題，因為作為演員需要拍戲拍到三更半夜，凌晨時分當然要食啲嘢醫肚，咁到食早餐嘅時候就梗係唔會空肚啦！係咪先？不過，正常人嚟講又的確係朝早起身空肚食早餐嘅。然而，如果有女伴喺身邊，朝早起身又係咪第一時間要食早餐先呢？喺日本一個調查訪問咗500名當地成年男人，問佢哋同女伴玩過夜，第二朝起身第一件事會做乜？排第三位係外出行街，第二位係叫女伴煮個早餐醫肚，咁都啱嘅，成晚消耗咗咁多能量，梗係要食番個愛心早餐補充吓體力啦！至於排第一位，約有31.8%受訪男士話起身第一件事就梗係嚟個晨操先啦！咁又係，一早起身朝氣勃勃，唔趁機會晨操仲等幾時呀！
男人怕畀人笑，更怕畀人笑自己性能力弱雞。年輕時血氣方剛當然喺床上雄赳赳氣昂昂，一晚三劑亦綽綽有餘，但係人到中年，體質下降，性能力亦漸漸衰退，咁就真係時也命也喇。外國就有調查顯示年過四十嘅男士當中，有超過四成患有勃起功能障礙問題，點算？咁就梗係搵醫生治療啦！早前醫治呢方面問題嘅專家Vijay Sangar博士表示，可以用震波治療（Shock Wave）協助解決勃起功能障礙，透過一種特殊嘅震動波可以為陰莖提供化學信號，促進陰莖新生血管改善勃起功能。而博士就進行過研究，搵來112名年齡介乎37至80歲嘅患者接受震波治療，當中有57%接受治療嘅患者能夠成功勃起兼且可以進行正常性行為。咁以後患者們就可以從服食乜哥物哥以外，搵到重振雄風嘅其他選擇喇！
「唔理好醜，但求就手。」相信係好多男仔溝女嘅座右銘，咁又係，如果對象唔係同事或朋友，根本好難遇上，更遑論成為情侶呢？不過，小弟我最怕就係同朋友或同事發生感情瓜葛，一來怕對方知道自己太多嘢，二來拍起拖嚟要小心翼翼，有咩差錯一定畀同事唱通街，分手之後仲要面左左，你話幾辛苦呢！然而，刻意與同事保持距離嘅做法認真蝕底，一個來自日本嘅調查發現，好多女仔其實都鍾意貪就手同身邊嘅男士發生性關係，一切隨意，而對象就以男同事為主。該調查訪問咗200位在職日本女性，當中有89%係受到男方挑逗而發生關係，11%係佢哋興之所至引誘對方。至於對象方面，最多受訪女性與男同事隨意搭上，其次係男性友人，第三就係男網友。咁又有咩條件可以令女仔答應上床呢？最多女仔表示對方年紀大過自己，其次就係會同佢哋一齊飲酒嘅男性，第三就係性經驗豐富嘅男士，以上條件我都有齊晒喎！不過，香港女仔應該同日本女仔有分別嘅。
撰文：賢