面對靚女，男人嘅戒心會降低，有研究發現，男人遇上愈靚嘅女仔喺床上就愈唔想使用安全套。要令女伴得到高潮唔容易，除咗適度嘅抽送之外，仲有其他方法可以令女方高潮迭起。對於女仔嚟講，第一次相當寶貴，唔知佢哋最想喺邊處獻出第一次呢？
正所謂英雄難過美人關，不知幾多自命不凡又位高權重嘅男人衰喺女人手上，亦因為知道美人計奏效，唔少特務機關都會派出美女間諜色誘目標。事實上，男人面對索女嘅時候唔單止戒心降低，連安全意識都會大大降低，由英國修咸頓大學以及布里斯托大學聯合進行嘅研究就初步證明呢一點喇！研究人員搵嚟51位成年男士，要佢哋一邊睇20張女子照片一邊評分，不過唔係對美貌評分，而係愈想同當中女子上床時唔用套嘅就愈要畀高分。結果發現愈靚女，男士就愈唔想用套。研究負責人指出，男人咁做係來自一種自私嘅想法，只想同靚女打真軍，之但係唔代表靚女會接受囉！計我話一於做個負責任嘅男人，上床最緊要安全第一！
好多女仔都怨男伴上床只係識得埋頭苦幹，唔識搞前戲太冇情趣。其實要令女伴高潮迭起，未必只靠激烈且長時間嘅抽送，有調查發現8成女士未能夠透過抽送而達到高潮！咁仲有咩方法呢？英國一個網站早前就引述專家意見，指出女士嘅乳頭敏感度相當高，更加有唔少女性單靠刺激乳頭而達到高潮，男士們可以嘗試用不同方法招呼女伴嘅乳頭。另外，專家表示女性嘅高潮當中有一種叫做能量高潮（Energy Orgasms），如果女性有充足嘅性幻想，加上身體夠放鬆，配合埋調整呼吸，就足以令大腦感受到性高潮，男士們不妨同女伴一齊睇AV或色情小說，睇完再嚟個角色扮演，相信可以增加達到高潮嘅機會。
各位男士對於初夜印象有幾深刻呢？記唔記得喺邊度發生？已經唔記得咗？就算記得都不堪回首？對於女性嚟講，初夜相當重要，故佢哋好想將自己隻「豬」留畀最深愛嘅男人。而佢哋一心將初夜留畀對方，當然亦想對方好好珍惜，並希望可以喺一個企企理理嘅地方完事。一個日本調查就針對女性最想喺邊個地方進行第一次，而訪問咗200個女仔，結果顯示最多女仔希望喺男方屋企嘅睡房進行，其次係時鐘酒店，至於喺女仔自己房間就只有9%。另外，調查仲問到佢哋嘅理想初夜之地要達到咩要求？最多女仔答係乾淨整潔，其次就係舒適嘅溫度，各位男士記住喇！
撰文：賢