日本寫真迷都鍾意欣賞女優們又圓又飽滿嘅「八月十五」，最好仲要唔着褲，不過肯為觀眾眼福而犧牲嘅女優唔多，但係肯咁做嘅就一定有機會上位，佐藤衣里子就係新一代股后喇！
傳說殭屍喺月圓之夜吸收月亮散發出嘅陰性能量嚟提升威力，吸得夠多，就唔使彈吓彈吓咁行，直情飛天都得！雖然家陣冇殭屍，但係就有唔少情侶鍾意拍住拖去曬月光，而喺日本寫真界仲有好多女優鍾意晒自己嘅「月光」嚟吸引大家注意。當然，肯露股都要有質素至能夠成為大家嘅焦點，好似佐藤衣里子就一定係優質股喇！
今年26歲嘅衣里子外形成熟，不過就唔係熟女級，而係姊系級別，呢副韻味滿溢嘅姊系面孔睇落美艷動人，且媚態萬千，同青春美少女相比係另一番風味。衣里子擁有一身古銅膚色，散發出陽光氣息同野性美，配合33-23-33三圍及5呎6吋高，苗條健康又誘人，其「八月十五」仲飽滿圓潤，吸睛指數相當之高，衣里子就係靠呢個優質靚股嚟食胡喇！
衣里子喺2012年出道，以賽車女郎身份盡騷誘人身段以及妖艷迷人嘅面孔，由於身材高挑又有曲線美，被業界稱之為飯島直子、岡本夏生、菜菜緒等知名賽車女郎嘅接班人，更被喻為「業界期待之新星」。而衣里子表示素來都好仰慕呢幾位殿堂級車女前輩，更加希望學似佢哋咁成功由賽車界跳入藝能界發光發熱。
衣里子喺賽車界闖出名堂，繼而獲得寫真界睇中搵佢拍寫真，但係要數到最吸睛最成功最具突破性嘅演出，就要數到喺上年推出嘅寫真作品。當時衣里子獲漫畫雜誌《Big Comic Spirits》邀請，為雜誌慶祝創刊35周年拍攝一輯露股寫真，將其引以自豪嘅靚股無遮無掩咁露晒出嚟！呢輯寫真引起極大回響，令衣里子人氣火速谷起，更加獲得「平成生之佐藤江梨子」稱號，即係話佢好似露股寫真始祖江梨子一樣咁索喎！就係咁衣里子繼承咗「股」業喇！
年齡：26歲
身高：5呎6吋
三圍：33-23-33
簡介：佐藤衣里子近期喺寫真界忙得不可開交，拍寫真一輯接一輯，而阿妹會將當中嘅精彩寫真放上Twitter分享，大家多多支持一下喇！
網址：https://twitter.com/eri_625?lang=ja
撰文：賢