提到勾魂使者，大家都會覺得驚，就算唔係嚟勾你嘅魂魄，但聽落咁恐怖嘅事情，媽呀咪搞我。不過，將大家嘅魂魄勾走唔一定係勾魂使者，青春可人嘅巨乳少女一樣足以令大家魂魄唔齊，大家唔信咩？可以睇吓今日介紹嘅兩位甜美巨乳美少女中村靜香以及高嶋香帆嘅演出。
出嚟社會打滾咁多年，相信大家同小弟一樣，知道世界上有好多人都係笑裏藏刀，表面對你笑笑口，其實心裏面已經諗緊計點樣做低你。而喺日本寫真界亦有類似嘅女優，不過大家放心，佢哋笑面背後冇害人意圖，只係暗藏令男人產生無盡遐想嘅手段，中村靜香就係呢種令男人又愛又恨嘅小妖精系寫真女郎喇！阿妹個名叫得做靜香，又真係同《多啦A夢》入面嘅靜香一樣咁得人鍾意，咁予人親切感且充滿知性美。中村靜香精靈活潑嘅面孔之下，擁有一副惹人遐想嘅豐滿身材，胸前一對圓潤又堅挺嘅F奶，令佢一度被認為係童顏巨乳掌門人篠崎愛嘅最強挑戰者。可惜，二人始終未有一場龍爭虎鬥，因為篠崎愛已經決心向歌手之路進發喇！雖然冇競爭，但係靜香喺寫真演出上卻屢有突破，今次喺寫真映像作品《しずかの季節》當中，就向大家表現咩叫做淫在骨子裏喇！演出時靜香表面上就溫馴可愛，但係喺動作上就極之銷魂又誘人，個樣就怕怕醜醜，同一時間手部卻指示大家嘅目光落到去深溝，又或者大腿之間，目光隨其指尖游走，愈發引人入「性」，靜香你真係好鬼馬呀！
碟名：《しずかの季節》
收錄時間：98分鐘
售價：約HK$315.4
俗語話牛唔飲水，唔撳得牛頭低，男人若然唔鹹濕，雙眼就唔會四圍望靚女，之不過無論各位男士鹹唔鹹濕都好，相信視線都會畀高嶋香帆強搶過嚟，點解？因為阿妹嘅身材實在太正喇！現年23歲嘅香帆妹青春無敵，雖然年過二十，但係睇嚟睇去，面孔嘅童顏稚氣仲保留喺十零歲嘅階段，實在難得。更難得嘅係香帆妹有童顏仲有巨乳，胸前嘅E奶出於天然，質感富彈性且外形美觀，配合婀娜身段，真係充滿吸睛力！斯文可愛嘅香帆其實出身於「海賊」世家，唔係話佢屋企打家劫舍，而係父母經營一間叫做「海賊」嘅居酒屋，阿妹自小就喺舖頭幫手。雖然阿妹唔係海賊，但係搶嘢就有一手，大家欣賞其最新寫真映像作品《香帆日和》就知道箇中原因。只見香帆以性感水着突出一副豐滿身段，剪裁貼身嘅泳衣將其胸肉擠晒出嚟，飽滿嘅質感同迷人嘅「胸間感」足以將大家嘅視線搶奪過嚟再牢牢困於其中，雙眼只會緊緊追住佢個胸！
碟名：《香帆日和》
收錄時間：91分鐘
售價：約HK$315.4
撰文：賢