自從北京有酒店發生女子被襲事件，其後引爆出原來同色情卡片黨有關後，呢類活動即時備受有關當局關注，唔單止展開一連串打擊行動，仲對整個色情產業採取大型嘅取締措施，有卡片黨竟然諗出騎呢方法嚟派片。另外，日本制服風俗店最近搞搞新意思，成功吸引唔少玩家捧場。
正所謂道高一尺，魔高一丈，更何況色情產業嘅利潤咁高，佢哋一定會想盡辦法從中取利。由於唔少酒店都抵制卡片黨嘅活動，而以前合作開嘅酒店又怕被有關當局調查，喺咁嘅情況下，於是卡片黨就諗出一個騎呢方法，就係將色情卡片統統丟喺酒店、桑拿、夜總會等地方嘅門口，甚至銀行門口、商場門口、行人路都有，總之搞到周街都係卡片，猶如垃圾，實在令人討厭。坦白講，呢個方法嘅效果一定唔會高，最重要係喺呢啲大街大巷嘅地方，有邊個人會夠膽喺眾目睽睽下，執起卡片繼而去幫襯呢？
如果要問台灣邊種色情玩法最安全嘅話，有人認為係外送茶，皆因預約囡囡到酒店曳曳，可以避免有關方面突擊檢查。不過隨住有關當局透過放蛇行動，假扮玩家約囡囡到酒店曳曳後，外送茶服務亦變得謹慎起嚟，而玩家亦擔心有關方面會跟蹤囡囡，然後喺酒店門外埋伏伺機採取行動。有見及此，有色情按摩館以隱密性作招徠，將架步設置喺住宅區內，並且會經常搬竇，從而避免引起住宅區居民同有關當局嘅注意。有玩家認為呢種做法雖然有助減低風險，但係要經常留意按摩館更新最新地址，就覺得相當麻煩。而色情按摩館負責人表示經常搬竇的確為客人帶嚟不便，但係亦感到無奈，事關太張揚會被舉報，屆時警方必定進行取締行動，所以希望玩家能夠體諒一下。
日本制服風俗店嘅主題相當多，為咗令客人玩得更加投入，將店內裝修成辦公室或校園咁款，風俗孃就化身成OL或學生妹招呼客人。而日本兵庫縣神戶市福原唔單止有超過60間以護理作主題嘅風俗店，有啲甚至改名叫乜乜診所。呢間「La Princess」風俗店門面搞到成間診所咁，店內嘅風俗孃更穿着看護服，就連日本嘅專業玩家都稱，如非事前做足功課，真係以為佢係一間診所。除此之外，風俗孃會稱呼客人做初診者、輕症患者同重症患者，所謂初診者即係首次嚟嘅玩家，而輕症患者則係風俗店會員，重症患者就係VIP會員咁解，係咪好搞笑呢？
撰文：魂