要令一套電影更能感動人心，除咗要演員、導演、劇本、拍攝充分配合，一首動聽嘅主題曲亦不可缺少。最近日本AV界出現咗首部有主題曲嘅AV作品，開創AV界先河，更已經報名成為AV OPEN 2016嘅競賽作品，依家就睇睇呢部AV大作有幾勁啦！
最近日本AV界刮起一場大風暴，起因係已引退嘅AV女優藤原瞳表示曾經被強迫拍AV，其男友替佢不值而向AV事務所提告。事件餘波未了，搞到AV業界唔少事務所都受到警方調查，以致影響到好多原本已經報名參加AV OPEN 2016嘅片商縮沙，急急忙忙將作品下架並退出比賽，咁做擺明身有屎啦！有作品退出，但係參加AV OPEN嘅作品陣容依然強勁，小弟將會喺未來同大家詳細介紹各部有力爭奪最高榮譽「日本一」封號嘅AV作品。
而今日就同大家講吓呢部號稱開創日本AV界先河嘅大作《裸之女神》喇！呢部作品係老牌AV廠MAX-A為咗喺AV OPEN 2016大放異彩嘅傾力之作，點傾力法呢？首先，搵來廠內兩位AV小天后，由被喻為麻美由真接班人嘅長瀨麻美以及超人氣小淫娃彩乃奈奈演出，同時請來火辣癡女吉田花呢位強力外援參演，見到呢個陣容就知厲害啦！
演出呢部《裸之女神》嘅三位女優優質上乘，都係靚女又好波嘅女神級人氣女優，有佢哋進行大混戰必定睇頭十足，精彩萬分！MAX-A雖然歷來都冇乜創意，但係今次就特別以電視劇拍攝手法炮製呢部年度重頭巨製，以爭奪AV OPEN 2016「電視劇紀錄片部門」冠軍，故拍攝手法上多咗一份視野嘅寬闊感。
至於作品嘅故事講乜呢？內容都幾勵志亦相當寫實，講述長瀨麻美同彩乃奈奈兩個都係初出茅廬嘅脫衣舞孃，而經理人就一心想將佢哋培育成為頂級舞孃，為此經理人不惜百般請求貴為舞台王者嘅吉田花調教兩位妹妹仔。起初麻美同奈奈都唔願學，但係見到吉田花舞藝超群，工作態度專業，令兩女改觀並努力練舞，最後三人更加嚟個精彩嘅同台演出，受到廣大鹹濕佬讚揚。
喂！呢部作品日劇化，故事又咁勵志，會唔會冇嘢睇先？MAX-A話晒都係一間有質素嘅AV廠，點解咁眼高手低呢？三位女優各有大量裸露鏡頭，亦各自會同經理人有一手，喺三位女優同台表演之後，仲會齊齊拉經理人上舞台嚟個三打一真人騷，絕對可以滿足AV迷嘅需要！另一方面，《裸之女神》破格嘅地方除咗以日劇手法拍攝，仲係AV界有史以來首次同音樂界合作嘅作品，搵來樂壇組合menheras創作主題曲，歌名叫《LINK》，以激情洋溢嘅曲風嚟凸顯三位女角色不斷為做好份工而奮鬥嘅過程。雖然《裸之女神》要到9月1日先至派街，但係大家可以先Click上聽一聽首主題曲。
網址：http://menheras.com/
撰文：賢