一年究竟有幾多個選舉，既有代表性而巴打又記得嘅呢？唔使諗，因為唔會有，甚或連主辦單位都未必想你記住呀！點解咁講？因為四仔日日有，脫星月月新，唔製造話題邊得嚟咁大市場吖！好似今期鹹網Adult Empire（AE）就搞「最具代表性脫星」投票選舉。
好明顯呢個選舉純粹係借題發揮，何為最具代表性？官方未有任何準則，只係掟出現役50位候選脫星叫網民投票，而網友亦毋須任何登記手續，只要喺官方網站Click一下心水脫星就搞掂。但呢個只係頭Round，經網站統計投票票數後，會篩走25位票數較低嘅脫星，而剩低嘅25位脫星畀網民重新投票，最後喺8月8日公布結果。
坦白講，細佬認為呢個投票選舉流到震，但原來今年已經係第二屆，上年反應未算瘋狂，但都算有Noise，話晒Adult Empire係大型鹹網，而上年嘅冠軍係四仔女神Dani Daniels，阿妹又索又淫蕩，攞獎當然無投訴啦！至於網民投票有乜着數？之唔係所投下心水脫星嘅四仔作品有8折優惠囉！
講咗咁耐，究竟有邊50位脫星呢？上年捧走大獎嘅Dani Daniels今年竟然冇得入圍，唔知係咪怕女神「冧莊」，所以唔畀佢入圍呢？細佬對比過上年嘅入圍名單，有20位脫星同今屆相同，呢個唔係問題，最緊要係夠正，好似August Ames、A.J. Applegate、Riley Reid等都係人氣脫星，喺各大鹹網都會見到佢哋嘅蹤影，而大熱脫星如瑜伽妹Mia Malkova、Abigail Mac及Anikka Albrite等唔使審都會順利進入10強。
但細佬陰謀論諗，將不同界別及年齡脫星圍埋一堆選，根本就想益自己友，只要嗰位脫星質素唔太曳，又肯同AE合作就有機會得獎，所以所謂人氣脫星巴打可以掟埋一邊唔理，個人心水係Jenna Sativa、Kimmy Granger、Marley Brinx及近期上緊位嘅Katrina Jade，呢幾位囡囡索得嚟夠低調，總好過又係來來去去嗰幾位脫星得獎先啦！
撰文：祖