好多港人去日本旅遊，除咗貪當地食好住好之外，整潔嘅環境同清新嘅空氣，亦大大增加港人對日本嘅優良印象。其實除咗環境之外，整潔仲有當地嘅女仔。但係有潔癖嘅日本妹大家又鍾唔鍾意呢？如果好似寺田御子咁索，相信一定鍾意啦！
小弟小時候成日病，特別容易感染呼吸道疾病，故經常要勞駕母親大人帶我去睇醫生。後來醫生建議我多做運動，仲要注意家居清潔，小弟同家母照做之後果然成效顯著，冇咁多病痛，自此小弟就愛上乾淨整潔，甚至畀朋友話我有潔癖添！愛乾淨其實非壞事，而且好多女仔亦都鍾意整潔嘅男仔，好似寺田御子咁就一定同小弟好合拍喇！
今年19歲嘅御子係近期冒起得相當快嘅寫真界未來偶像，除咗個名充滿日本傳統氣息之外，個樣亦具和風韻味，特別係一把長長嘅烏黑秀髮，凸顯出大和美人感覺。除咗頭髮之外，御子仲有一個特長之處，就係事業線喇！阿妹肌膚嫩鮮白滑，腰肢只有21吋咁纖幼，而上圍就有34G咁勁，將G奶輕輕一夾，長長嘅乳溝即時呈現出來，如此美人兒真係世間少有呀！
御子投身寫真界嘅契機，全因阿媽喺阿妹讀高中二年級嘅時候對佢多加鼓勵，叫御子如果鍾意做模特兒，就放膽向夢想追求。而阿媽咁樣鼓勵御子嘅原因，亦同御子嘅潔癖症有關。御子自小就好鍾意整潔，更加多次因為愛整潔而被同學蝦，後來變成唔鍾意返學，喺小學至高中時期多次曠課。阿媽就怕御子自此變成自閉女，於是就叫佢試吓做模特兒，等佢接觸一下外面嘅世界。
御子咁有氣質又咁好波，做模特兒優勢極大，人氣火速上升，喺2015年參加「和服女王競賽」獲得GirlsAward獎，繼而向寫真界同藝能界雙線發展。不過，出咗嚟社會打滾，御子同人接觸就冇問題，但係潔癖依舊，據講阿妹出街一定帶私家筷子、湯匙、吸管，仲唔會掂公眾按鈕，更加創出寫真界先河，舉辦握手會嘅時候，堅持戴住手套同粉絲握手！阿妹你嘅潔癖症咁嚴重，第時點嫁人呀！
年齡：19歲
身高：5呎3吋
三圍：34G-21-33
簡介：從寺田御子嘅Twitter當中，可以發現佢生活得相當正常，唔似有嚴重潔癖，唔通佢每次影完相都會即刻清潔一番？咁就要等大家到其社交網研究一下喇。
網址：https://twitter.com/teradamiko
撰文：賢