女人總係要將問題問個明白，但係男人通常都只會將問題同感情收於心底，咁樣可能同男人嘅成長過程唔多需要言語有關，大家睇AV、睇鹹書尋找性知識同滿足，只需要用眼睇就得喇！今日為大家介紹嘅寫真集，當中有青春少女偶像成長、蛻變為性感偶像，亦有情色工具書教大家實用性知識，統統唔使多講，睇啦！
日本藝能界有好多美少女偶像，佢哋年紀輕輕，只係得十零歲就開始踏足舞台，於眾多觀眾面前載歌載舞，勇氣同毅力相當令人佩服。好似兒玉遙咁，喺15歲嘅時候成為美少女偶像團體HKT48成員，展開其精彩嘅偶像歌手生涯，現時19歲嘅兒玉遙青春可愛，氣質純潔天真，認真甜到你暈！而遙妹除咗靚女，仲歌精舞勁，現時除咗係HKT48成員，亦兼任AKB48成員，實行雙線發展。近期遙妹仲推出咗寫真集《ロックオン》，特別去到關島拍攝咗3日咁耐，當中遙妹會將她天真爛漫嘅氣息完全發放，同時亦以多款比堅尼泳裝上陣，雖然遙妹嘅胴體唔算豐滿，但係鮮嫩又雪白嘅肉地，加上喺演出當中加插成熟妖艷嘅一面，相信會將寫真集嘅魅力度大大提升。
《ロックオン》
售價：約HK$150
男人係咪天生就知道乜嘢叫做性呢？梗係唔係啦！因此先至出現性教育講座，只係呢啲講座所講嘅嘢，好多時同生物堂上講嘅冇乜分別，縱然性教育講座完後，專家會問大家有乜嘢問題，只係咁多人喺度叫人點問呀？想知道男人生理問題，又想知道關於性嘅深入事情，呢本由沙嘯巖所著嘅《男孩不好意思問的事》，相信可以解答到大家成長期間一啲疑問。作者指呢本乃成長期間嘅私房書，不但揭示當中嘅秘密，更會解答青春期遇到嘅困惑，從而消除成長中嘅煩惱。作者透過既務實又幽默嘅文字，為大家解答一啲都唔離地嘅問題，例如：點解會有人鍾意同性？男人都會遇到性騷擾？點解我經常有綺夢呢？呢啲原本可以答得好嚴肅嘅問題，作者都會輕鬆為大家逐一解答，咁大家就唔會覺得尷尬啦！不過從另一個角度睇，其實呢本書並非限於成長期間嘅男性可睇，就算成熟嘅男士都未必了解當中部分嘅問題，亦可透過呢本書搵到多年以嚟未解困惑嘅答案。
書名：《男孩不好意思問的事》
作者： 沙嘯巖
售價：NT$320（約HK$80）
要氹男人其實好Easy，只要你跳舞，佢就對你死心塌地，咁當然唔係芭蕾舞，而係鋼管舞啦！女藝人跳，女歌手又跳，今期36E陳婉衡倒奶都話要跳鋼管舞，咁潮，冇男人都應該學定啦！想學好簡單，可以睇今日介紹呢本書，由專職脫衣舞孃超過十年嘅Ellen Degraw親自撰寫，教授大家幾招必冧男人嘅舞技，阿姐話長相無得變，身材好難變，但舞技就可以盡掌握，對於沉悶關係嘅男女，識跳舞真係可以維繫感情，尤其係床上關係，皆因男人都係懶惰同時又容易被官能刺激嘅動物，佢話以佢多年經驗，試過淨係跳鋼管舞都令對手走火喎！
咁當然，歐美男人出街睇鋼管舞都習以為常，所以作者花咗大篇幅去講解點解男人咁鍾意睇女人跳舞秘密，如果呢Part唔啱你，可以直接跳去睇阿姐教授舞技，唔好幻想睇完本書會跳到識飛兼倒吊，只不過係簡單幾招同對手有互動，同埋點樣掌握節奏，引領對手上床風流快活，相信都夠姊妹們用啦！
書名：Learn the Secrets the Best Strippers Use to Seduce Men that Most Women will Never Know （Kindle Edition）
售價：US$2.99（約HK$24）
撰文：賢、祖、魂