智能手機普及，幫助唔少男士溝女，咁用手機聊天程式又有咩需要注意呢？好多女士嫌男伴冇情趣，唔肯多花時間做前戲，不過有調查發現女人鍾意交歡時間長過前戲噃。網上有好多情慾短片，唔少都影到急色男女嘅野戰實況，而喺日本就有近兩成人曾經親眼目擊野戰過程。
慘慘慘！又甩轆！又走失咗一個脫單嘅機會喇！小弟早前喺一場婚宴當中，結識到一位又甜美又有學識，最重要係有家底嘅女仔，當晚小弟仲送咗佢返屋企，之後透過WhatsApp頻密對話。不過，我開心咗唔夠三日，對方就冇再搵我，惟有繼續沉迷於日本AV當中慨嘆溝女不易啦！如果大家都有小弟類似嘅經驗，就等我哋一齊搵行為心理專家Jo Hemmings了解一下點樣用手機聊天程式成功溝女啦！專家話15分鐘係一個關鍵時間，如果你傳一個訊息畀對方，而對方喺15分鐘內回覆，表示佢對你有興趣，否則溝到手嘅機會甚微；若然對方只係回覆一個簡單嘅表情符號，代表佢對你其實唔係咁着緊，咁就唔使再花太多心機去溝喇。專家仲話有十分之一受訪女性表示會取消約會，原因係男方太過鍾意談及有關自己嘅事。另外，專家表示如果想同女方過夜，平均嚟講要喺事前約會過三次至成功，早知我就唔咁狼死一嚟就約個女仔過夜啦！
做任何運動之前都需要進行一連串熱身動作，減低受傷機會，進行床上運動亦當然需要做前戲熱身啦！可惜，男人生性急色，上到床以「目標為本」，一埋牙就進行激烈抽送，難怪女人會覺得男伴忽略其感受。不過，一個來自英國嘅調查就發現好多女人鍾意抽送時間長過前戲，訪問咗2,300位成年女性，佢哋所需要嘅平均前戲時間為15.4分鐘，至於抽送時間則為16.2分鐘，反映出女士鍾意交歡時間比前戲長。調查同時發現，有50%受訪女性需要交歡至少10分鐘至達到高潮，至於需要11至20分鐘嘅則有12%，至少20分鐘就有10%。照咁睇，各位男士要操弗啲，多鍛煉增加持久力喇。
權力會令人沖昏頭腦，不過色慾更加可以令人失去理智，大家不難從網上發現唔少野戰短片流出，當中嘅男女為咗享受快感不顧一切，直情無視公眾秩序，喺公眾地方上演活春宮！相信大家喺網上睇過唔少呢類野戰片，然而親眼目擊嘅又有幾多人呢？早前日本就進行過相關調查，喺新宿、涉谷、上野搵來多位成年男女，問佢哋有冇見過人打野戰，結果有18%表示曾經目擊過「戰況」，佢哋認真有眼福喇！咁眾多目擊者多數喺邊處見到「戰況」呢？原來最多人喺公寓嘅梯間發現有人打野戰，其次就係烤肉店，有目擊者表示唔少烤肉店都可以用圍板間出獨立空間，佢就喺享受烤肉期間發現附近有男女激戰。
撰文：賢