經常有人為性感兩個字下定義，而最多人認同嘅講法，就係佢可以勾起男士目測嘅衝動。不過有啲寫真模特兒卻突破性感嘅極限，以超誘惑嘅造型加上極具視覺衝擊嘅火辣身材，呢種已非性感兩個字可以解釋，而係直接稱為視界犯規，內地模特兒青樹就係最佳人辦。
視界犯規嘅定義其實好簡單，就係佢已經超出性感嘅極限，不但能輕易成為男士嘅焦點，更會挑起一連串嘅遐想，而嚟自上海嘅21歲青樹正係其中一位。英文名叫Cheryl嘅佢，最愛自稱樹苗，不過無論佢叫乜名，男人只要望佢一眼都會留下深刻印象。標致嘅明星臉加上激凸身材，擁有如此外形注定食模特兒呢行飯，而佢亦唔介意喺鏡頭前以超誘人嘅火辣造型示人，只係佢呢種超越性感嘅演繹，卻同暴露一啲都扯唔上關係，正正係呢種游走於犯規邊緣嘅誘惑，令佢嘅寫真成功將美感同誘惑糅合於一身。
可能有人覺得寫真模特兒不外乎外形吸引就得，內涵完全可以忽略，但呢種睇法絕對唔適用於青樹嘅身上，畢業於上海外國語大學，精通外語，係一位能言善道嘅靚女，現時喺網絡節目擔任主持。講到工作方面，如此才貌雙全嘅索模，又點會只限於喺呢兩個範疇上發展呢？除咗拍攝寫真同做節目主持外，佢以車模身份喺車展及賽車場上登場，又為各種商品拍攝廣告，發展多元化。
經常有人問內地模特兒平時最鍾意做乜？會唔會係購物呢？其實對於模特兒嚟講，閒時嘅最佳活動就係瞓覺，事關當佢哋工作忙碌起嚟，真係連瞓覺都冇時間，對於注重外形嘅佢哋嚟講，有充足嘅睡眠先可以保持美貌。至於青樹閒時最愛活動係打機，電腦對戰遊戲更係佢最愛，為咗成為遊戲高手，佢會鑽研當中唔同角色嘅能力。而索女打機有邊個唔鍾意睇先？故此佢經常將自己打機情況進行網絡直播，除咗同粉絲分享打機過程，仲可以交流心得，絕對係一舉兩得。
作為女神嘅佢，其實亦係一位持家有道嘅索女，閒時會做家務，將屋企執得整整齊齊。唔知係咪佢對企理嘅生活有要求關係，對於搵男朋友亦包括呢一個條件呢？佢曾經講過最討厭嘅男生類型，就係性格幼稚、經常講大話同埋唔注重衞生。前兩者嘅要求相信唔少女士都會係咁，只係後者佢卻視為最重要嘅一點，因為佢先後講過好多次，好難同唔鍾意乾淨整齊嘅男生喺埋一齊，睇嚟呢位女神真係要求好高。
簡介：青樹對於工作嘅認真態度，一直以嚟都被唔少人所認同，另一方面，佢細心嘅性格更係相當體貼，故此喺模特兒界中有大量朋友。當然，對於粉絲嚟講，佢體貼嘅性格卻展現於個人微博發送性感照。如此誘人嘅「凸」級女神，叫人點可能唔成為佢嘅裙下之臣呢？
網址：http://www.weibo.com/p/1005052672425981?is_hot=1
出生地：上海
身高：165cm
三圍：34、25、35
撰文：魂