惡搞版敢死隊有得睇喇

熟女捉鬼

新版《捉鬼敢死隊》即將上畫，但惡搞四仔版依家就有得睇！近年美國四仔界惡搞成風，繼超級英雄系列後，經典電影都唔放過，大廠Brazzers率先發功，趁住美國未上畫兼全球網民插爆之際，推出《Ghostbusters XXX Parody: Part 1》，最抵死係跟到足，一樣係全女班捉鬼隊，三個白妹一個黑妹，咁當然係正到漏嗰隻啦，分別係Nikki Benz、Romi Rain、Monique Alexander及Ana Foxxx。正牌電影被鬧爆，而四仔就剛好相反，網友認為搵四件熟女捉鬼更有說服力！而玩得捉鬼呢條橋，導演話唔會一味喪砌，反而着重演技，對於熟女脫星就更有發揮機會啦！

到目前為止，Brazzers未有交代呢部捉鬼四仔會拍幾多集，但喺官網所見已有4集排住隊上畫，第一集由Monique Alexander拍住英國型男優Keiran Lee打頭陣，故事講中女Monique晚晚瞓覺畀鬼壓，而隻鬼要Monique自摸完再執劑，搞到佢無覺好瞓，最慘係同人講冇人信佢，真係陰功！

不停宣傳

老實講，Brazzers呢套四仔一定賣得啦，有份參演嘅脫星日夜講不停，喺社交網講，同傳媒做訪問又講，連喺個人網誌都要講一餐，令到四仔迷都想睇吓呢部四仔有幾過癮，依家各大鹹網都有Trailer睇，而YouTube更有「乾淨版」Trailer睇添，加上啱啱成為Brazzers「代言人」嘅Nikki Benz更宣傳大使上身，四出幫新片做宣傳，如果有人話呢套四仔唔賣得，冇可能囉！

玩鬼20年

心水清嘅巴打都知道，四仔玩捉鬼題材又點會係第一次呢？早喺90年代，片廠Evil Angel已學人玩捉鬼，但有指當年唔敢太「明張目膽」，免得被人告，直至2009及2010年有兩套四仔攞正牌惡搞，包括Muffia廠嘅《Nut Busters XXX》同Hustler廠嘅《This Ain't Ghostbusters XXX》，呢兩套四仔喺網站「Parody XXX」獲得好高嘅評分，今日仲有人睇o架！

撰文：祖