小弟雖然唔算得上閱人無數、溝女經驗豐富，不過生存咗咁多年都叫做見過唔少女仔，發覺「外表斯文、內裏心痕」嘅女仔的確唔少，唔睇清楚，真係好容易畀佢哋柔情似水又充滿書卷味嘅外表欺騙到！不過，好似今日為大家介紹嘅兩位優質日本寫真女郎咁，相信畀佢哋呃多幾次感情以及身體，都屬百般享受。
為咗生活，好多打工仔都會有一份正職，然後再搵秘撈，而好多日本寫真界美人有時仲唔只打兩份工，好似知性美人咲田朱里就打三份工喇！
25歲嘅咲田朱里係日本寫真界出名高學歷嘅美人，畢業於慶應義塾大學環境情報系，之後再喺富士電視廣播學校進修，然後再投身電視界做女主播。由於朱里說話感染力強，個樣又充滿知性美同書卷氣息，遂吸引到舞台劇界注意，招攬佢為舞台演員。另一方面，朱里可謂天縱之才，美貌之外同時仲擁有一副雪咁白嘅34E-23-34迷人身段，寫真界當然亦唔會放過佢啦！朱里就係咁成為寫真界、電視界以及舞台界嘅寵兒喇！《もっと、あかりを》就係朱里最新嘅寫真影像作品，當中朱里除咗會以多款攝人眼球嘅性感三點式一騷其雪白身材，仲會換上平時做主播時着嘅斯文套裝，表現出一派柔情似水咁款，但係其動作又意態撩人，真係令人睇到牙關癢癢呀！
《もっと、あかりを》
收錄時間：89分鐘
售價：約HK$312
喺邊度可以搵到又靚女又有知性美嘅靚女？除咗圖書館之外，咁就當然係辦公室啦！呢一點相信好多日本寫真女郎都明白，故此為咗滿足大家嘅幻想，唔少寫真女郎喺演出嘅時候，都會特別換上一套密實得嚟又充滿誘惑感嘅OL套裝，最近青野未來嘅作品亦出呢一招。青野未來面孔清新秀麗，留有一把長直秀髮，身材方面，青野未來突出嘅地方似乎唔見有，但係勝在夠勻稱，胴體甚有線條美而且肉地結實，不失誘人魅力。喺未來嘅最新寫真影像作品《ぼくの先輩》當中，就會變身色慾OL，換上斯文套裝仲會喺辦公室當中扭身扭勢，徐徐寬衣，目的就係勾引作為後輩嘅我哋，冇錯！因為作品以主觀鏡頭拍攝，未來演出嘅時候就同對住我哋一班觀眾一般，令大家睇得充滿投入感！另外，場景除咗辦公室之外，亦有酒店套房，入到去未來嘅演出就會更加大膽，露出一身內衣褲仲嚟個輕輕自摸，七情上面嘅演出為大家帶來極強誘惑！
《ぼくの先輩》
收錄時間：120分鐘
售價：約HK$312
撰文：賢