好多男人都嫌自己胯下嘅好兄弟唔夠粗大，怕被伴侶嫌棄，一位細鵰男就話有技巧至係吸引異性嘅重點。男人要點樣先可以被女方認為係床上超人呢？只要針對女方嘅需要行事，自然可以令對方滿足啦。女仔十分注意自己嘅儀容，事實上男人亦一樣，有調查發現唔少男士為咗美觀而修剪毛髮添！
有大鵰男，自然亦有細鵰男，喺一本泌尿科雜誌當中，就有人將勃起長度少於3.6吋嘅陽具定為微型級別。但係如果下體屬微型又係咪冇辦法滿足到女伴方呢？非也！英國有一個叫Jim嘅男士勃起時只有2.75吋，但係佢娶到個火辣老婆，佢接受訪問時主持當然問佢點樣取悅老婆啦！Jim表示要搞好男女關係，唔好忘記知識就是力量嘅道理，一定要知道女方邊一個位置最敏感，識得針對目標刺激，自然事半功倍！另外，Jim話刺激女性嘅陰核係最有效令佢哋得到高潮，所以陽具長定短都冇乜所謂。其次係上床要有自信，練到性技幾高超都好，冇自信根本難以發揮，亦令對方睇你唔起。最後Jim話唔係個個女仔都咁注重性呢一方面，有時上床做一個聆聽者，又或者講多啲讚美說話取悅女方，一樣可以令佢開心又滿足！各位巴打收到未呀？
好多男人成日都話自己感情氾濫，即使有固定女朋友或老婆，都要搵小三。之不過，男人呢頭話自己感情太多，但係又可以同完全冇感情嘅女人上床，認真奇怪！至於女人就唔同，好多時都需要先培養感情至肯同男方上床，要有感覺至會滿足於對方嘅床上表現。早前外國進行一個調查，希望藉此了解一下現代女性認為男士點做，先可以令佢哋覺得男方係床上強者，結果發現53%受訪女性表示男方如果識得培養感情，喺情感上取悅佢哋，就會覺得男方夠強；其次有23.6%受訪者表示，男方進行前戲技巧了得先至算強；最後有10%女士話男人如果想成為床上強者，一定要喺床上提供源源不絕嘅刺激感覺。嘩！咁容乜易搞到精盡人亡，我諗都係講番感情好啲喇！
相信以前唔少人都會覺得第一代占士邦辛康納利一身濃密胸毛好有男人味，不過現代女仔愛整潔，如果男友體毛濃密的話，佢哋就未必鍾意喇！而事實上，男士們亦唔鍾意身上咁多體毛，喺日本一個調查就發現，有唔少男士會自我修剪一下毛髮。該調查訪問咗220名成年男士，當中有7.7%受訪者表示經常修剪毛毛，23.6%會喺毛毛過密嘅時候進行一番修剪，而表示未來將會剪毛毛嘅就有15.5%，至於完全唔會理會毛毛嘅就有48.2%。咁會剪毛髮嘅男士又會用咩方法剪呢？最多人用鉸剪，其次就係用剃鬚刀，亦有人用鉗仔掹毛！嘩！好痛呀！
撰文：賢