雖然我心中嘅女神安祖蓮娜祖莉為避過乳癌風險而狠心咁切去堅挺迷人嘅巨乳，但係佢一樣令我神魂顛倒，因為其飽滿豐厚嘅雙唇依然誘人。女仔嘅雙唇豐厚而飽滿，吸引力的確係高一班，睇吓來自日本賽車界嘅人氣賽車女郎小山桃就知道啦！
日本寫真界有好多美人兒都係由賽車界轉型而來，不過佢哋唔係女車手，而係喺賽車場以美色誘惑觀眾嘅索爆賽車女郎，好似近期大熱嘅人氣寫真偶像安枝瞳同春菜惠都係賽車女郎出身。隨住呢股賽車勢力喺寫真界發光發熱，唔少後輩都希望可以跟隨佢哋嘅步伐殺入寫真界，當中包括今日為大家介紹嘅呢位靚女小山桃！
今年20歲嘅小山桃五官迷人標致，雙眼電力十足，兼帶妖媚之色，拍《西遊記》搵佢飾演白骨精或狐狸精一定入型入格。除咗雙眼吸引，小山桃兩片朱唇飽滿又豐厚，微笑時嘴角含春，認真甜到入心、漏到入肺。小山桃唔單止有美貌，仲擁有5呎8吋高挑身材，令佢喺車女群當中鶴立雞群。當然，小山桃仲有一雙修長美腿以及圓潤挺拔嘅美尻，同樣十分養眼。
小山桃喺上年正式出道成為賽車女郎，除咗喺賽車場內盡騷迷人身段同美貌，散發個人魅力迷倒賽車迷之外，佢亦經常成為展覽活動嘅Show Girl。
小山桃現為日本賽車組織SUPER GT專屬賽車女郎，所以寫真作品唔多，而且多數都係以車女身份演出，雖然係咁，憑住外在美亦足以令佢備受賞識。
小山桃雖然未正式轉型為寫真女郎，但卻比起好多同輩行快一步，因為電視台被佢嘅美色吸引，搵佢演出唔少節目，例如阿妹包住條毛巾去浸溫泉嘅《美人溫泉》，此外，小山桃嘅健美身材，亦令佢獲邀演出體育節目《男人之Zap》嘅嘉賓。好多車女、寫真女郎努力賣弄色相，最終目的都係為咗上電視，家陣小山桃已經達到目的，可以話成功咗一半，當然希望阿妹唔好放慢腳步，喺未來嘅日子盡情為我哋提供更多視覺誘惑啦！
簡介：小山桃工作繁忙，不過佢亦唔會忘記定時將近況上載到Twitter同大家分享，想了解阿妹更多，不妨Click入去睇睇。
網址：https://twitter.com/momo_koyama
年齡：20歲
身高：5呎8.5吋
三圍：32-23-34
撰文：賢