去滾去玩最愛成班人一齊出動，因為獨樂樂不如眾樂樂，多啲人一齊去玩感覺開心好多。而潮流興團購，皆因成班人購買價錢平好多，而呢兩樣嘢放喺尋歡作樂中，原來亦有商機。
繼早前內地有色情桑拿搞團購優惠之後，家陣湖北孝感市又有邪足場推出團購按摩服務，以平價吸引玩家幫襯。對於專業玩家嚟講，一睇呢間場嘅格局，就知道一定有蠱惑。但正所謂願者上釣，竟然吸引到兩位高中學生幫襯。據佢哋講，喺好奇心驅使下決定去試邪足，點知正當佢哋享受緊服務之際，卻遇上警方掃蕩，結果畀人拉咗。報道中冇講到呢兩位高中生幾多歲，但可以肯定嘅係，呢類團購令唔少青少年更易接觸到色情服務，睇嚟未來有關當局應該會有所行動。
如果可以揀嘅話，玩家會想搵個青春美女，定係熟女做尋歡對象？相信絕大部分都會揀前者。話說台中有位56歲柳姓男士喺手機應召短訊上見到「我叫波波，皮白嫩肉24歲，是小美女喔」嘅廣告後，即時引起佢嘅性趣，於是打電話畀對方，指名要搵波波服務。對方稱可安排波波到汽車旅館進行交易，柳男喺房內等咗一陣波波就嚟到，對方嗲聲要求唔好開燈，而有老花嘅柳男惟有答應，喺昏暗燈影中佢隱約見到波波「樣靚身材正」，最後喺好興奮嘅狀態下完成交易，並畀咗3,000新台幣肉金對方。呢個時候警方突然衝入汽車旅館進行檢查，一開燈柳男當堂驚到呆咗，皆因所謂24歲嘅波波，原來係一位42歲嘅熟女，柳男即時感嘆：「我幻想破滅了！」
早前講過日本風俗界興起專門提供外國囡囡嘅風俗店，雖然收費係貴少少，但係外國女郎嘅魔力，對於消費得起嘅玩家嚟講卻相當吸引，故此唔少地方，尤其係東京一帶，有唔少呢類風俗店出現。而有玩家就話識得玩，一定要揀金髮女郎，咁先至夠正宗！有見及此，風俗店就標榜店內嘅風俗孃個個都係金髮囡囡！嗱！唔好話佢哋膚淺，皆因想要金髮嘅話，囡囡染髮就得啦，佢哋亦深明呢個道理，只係點解仍然要咁做？有玩家就剖析箇中玄機，原來呢啲風俗店當中嘅外國女郎唔少嚟自俄羅斯同東歐一帶，卻冒認嚟自英、美、法等地。玩家都知道有咁嘅情況，但為咗貪新鮮，仍願意光顧。不過佢哋都要有少少要求，就係唔該囡囡染番個金髮囉！
撰文：魂