女人話只有女人先至了解女人諗乜，男人又話男人先明白男人嘅世界，其實喺日本成人漫畫界，就有唔少女性成人漫畫家，專門創作畀男性睇嘅作品。佢哋筆下嘅情慾世界同構圖，一啲都唔會比男性漫畫家遜色，好似超人氣女性成人漫畫家東雲龍就係其中一位，其單行本作品《我和她的非常H關係》更係值得一再回味。
東雲龍呢位成人漫畫家（以下簡稱成漫家）個筆名，曾惹嚟相當大嘅誤會。事關無論係佢個筆名「東雲龍」，定係喺同人界用嘅筆名「雲丹屋」，都係一個相當男性化嘅名字，故此唔少睇咗佢多年成漫嘅粉絲，一直誤以為佢係男人。當然隨住佢人氣愈嚟愈高，曝光愈嚟愈多後，大家終於知道呢位成漫家真身原來係個女人。
雖然佢喺成漫界有極高地位，但其實佢開始時並冇諗過會朝成漫界發展，反而係向女性漫畫家之路進發，故此當時活躍於女性同人漫畫界，並且以創作萌系純愛漫畫為主。不過喺生活壓力下，佢喺2004年一次偶然機會下，畫咗一個成人漫畫單元故事，並且喺同人界中發表。該作品因貫徹她筆下萌爆、純愛兼充滿少女漫畫的味道，卻又充滿肉慾滿溢嘅情色元素，意外極受好評，亦因此獲得成漫月刊《COMIC Attoteki》邀請發表作品，喺無心插柳嘅情況下，就開始佢成漫家生涯。事實上佢對成漫一啲都唔抗拒，反而愈畫愈有熱情，故此喺2005年8月推出佢首本成漫單行本《淫母囚犯美月》，翌年5月又推出改編自遊戲嘅成漫作品《愛玩天使》。雖然有人認為佢有畫工唔穩定嘅問題，不過瑕不掩瑜，佢創造的可愛女角繼續獲得粉絲支持，加上佢將勤補拙，因此不斷創作，多產程度可以話係當時成漫家之冠。
她其後再推出多本單行本，直到喺2007年所發表嘅代表作之一《LOVE & HATE》時，變形問題已獲得明顯改善，而佢陸續出版嘅人氣作《LITTLE MERMAID》、《我和她的非常H關係》、《PINK‧SWIM》，畫工更係愈見成熟。不過近年佢慢慢淡出成漫界，反而向少年向漫畫進軍，而所推出嘅《雙子妹與單親媽的戀愛攻略》及《不正確戀愛教程》，內容雖然略帶鹹味，但仍然獲得極佳反應。
東雲龍喺2012年6月推出嘅單行本《我和她的非常H關係》，純愛劇情加上色慾場面，絕對值得一再回味。據指呢本作品主要描寫擁有異常性癖美少女嘅故事，而書中共收錄《Oil Panic!》、《第一次的XX》、《sweet & bitter》前及後篇、《Milk Girl》、《秘密列車》及作為《sweet & bitter》完結篇嘅《more sweet & more bitter》等共10個單元故事，當中尤以《sweet & bitter》同《秘密列車》最令人印象深刻。
《sweet & bitter》講述男主角俊雄同女友優里雖然拍拖已有半年，而且兩人都情投意合，只係每當俊雄想有更進一步嘅動作時，都會被優里以各種理由拒絕，令俊雄相當苦惱。律子見狀有晚就拉咗俊雄入自己間房，訓斥俊雄態度唔夠強硬，因而同佢嚟場「特訓」。優里原來係個好怕郁嘅人，當佢諗到曳曳時要唔停咁郁，就覺得相當煩惱，呢個時候，佢聽到律子同俊雄曳曳，於是即刻大興問罪之師！律子坦言係佢主動勾引俊雄，而理由就係要踢爆優里嘅秘密。優里驚律子爆出真相，於是即場對俊雄施以肉體懲罰，呢段情慾三角關係，最後會點收科呢？
《秘密列車》講述男主角西岡工作嘅公司，一班男同事經常拎女同事嘅外形做話題，而幾乎所有男同事，都覺得女同事蘆屋打扮得太過老套。然後故事講西岡放工後搭火車返屋企，點知喺列車車廂中竟然畀一個相貌超可愛嘅美女性騷擾！對方更將佢褲鏈拉開直接把玩兵器。幸好呢個時候列車門打開，於是西岡拉咗美女出車廂，然後訓斥佢絕對唔可以做呢種事。美女將西岡拖入公廁廁格，反鎖咗廁格門後，便對西岡施展口技，卻發現原來呢個美女竟係蘆屋！蘆屋對西岡大膽表白後，以為對方會討厭佢癡女行徑，點知……
漫畫名稱：《我和她的非常H關係》
作者：東雲龍
出版：竹書房
頁數：199頁
撰文：魂