招數萬千 性在識變

女大十七變

好多日本AV女優都十幾廿歲就出道，然後不斷為其AV事業努力，AV迷可以話見證住佢哋嘅成長，是以，當見到佢哋光榮引退，AV迷都不禁奉以眼淚相送。AV界小天后天使萌初出道冇幾耐就已經憑青春美貌、鮮嫩胴體以及優秀表現，連奪SkyPerfecTV成人放送大獎2015以及DMM成人大獎最優秀新人獎，家陣表現更為成熟，可觀度大增，認真係女大十八變！不過，萌妹就話唔使十八變，得十七變都夠晒吸睛喇！喺佢嘅最新個人寫真集《もえコレ。》當中，萌妹將會大玩變裝誘惑，變出十七套戲服演出，包括緊身滑雪裝、性感浴衣、女僕裝以及多款內衣同泳衣！每換一套戲服，萌妹都會不經意咁裸露一番，保證大家可以睇清睇楚其鮮嫩靚偈，唔會錫身！大家每睇一套裝，不妨諗吓有乜應對的招數，將阿萌妹本寫真當武功秘笈咁用啦！

《もえコレ。》

售價：約HK$246

實戰派52招

有人話睇AV可以學到調情同床戰技巧，只係睇咗咁多年，啲招式都係睇到用唔到！如果想令床戰更有樂趣，可以參考呢本由性愛專家貝蒂‧賀伯特（Betty Herbert），透過實戰經驗寫成嘅《終極挑逗：對你的愛，愛不完》（The 52 Seductions）。作為一位經驗豐富，並經常同老公鑽研性技嘅專家，佢將個人親身經驗及坊間傳說糅合為一，寫出呢本包含咗52招超實用性技嘅指南。據說呢本書不但係全美傳閱率最高，亦係書店失竊率最高，甚至係網絡被訂到斷市！作者透過按月份排序方法，作為書本嘅目錄，而非一般嘅前中後戲分類方式，佢稱呢種方法嘅好處，係讓讀者可以好似做任務咁，每個月按書中嘅介紹嚟做，從而令每個月都有前所未有嘅樂趣。好似佢喺7月一章中提議，女士可以透過指尖動作帶畀男士唔一樣嘅體驗、講下流嘅說話提升快感、哭泣都係一種誘惑等等。不過作者補充指，所謂嘅指南同介紹都係參考，最重要係男女雙方都要放下身段，全心全意投入性愛之中，先可以令效果事半功倍。

書名：《終極挑逗：對你的愛，愛不完》

售價：約HK$80

變身床上壞女人

壞男人，女人愛，掉番轉，壞女人男人仲愛呀！點解？咪因為佢哋床上創意多多，過程玩得開心，砌完都仲好回味囉！所以姊妹們想留住男人心， 只靠賢良淑德一面係未夠（口架），仲要識壞先得！

好姊妹教你嘅床上駕馭男人方法可以不理，因為佢哋都係從好嘅角度出發，要學壞當然要壞女人呢類過來人先啱使啦！推介你睇呢本《Bad Girl Sex: For Those Nights You Want To Be Naughty》床上壞女人天書，呢本電子書雖然只得32頁，但足夠你應付鹹濕又性急嘅港男，你或者認為壞女人就等於衰衰格格令人討厭，咁就錯喇，據《Bad Girl Sex》作者Denise Brienne 表示，呢本書係現實生活中多位夜場女、妓女嘅性經驗結集，由於佢哋每晚都要「招呼」不同男人，因此再難搞嘅佢哋都有方法完成任務，而又原來，真正壞女人床上係唔使親自出手，只需靠把口講幾句，幾個挑逗動作就可以挑起男人床上獸性，等男人心甘情願去服侍你，就好似本書話男人喺床上內心有種玩性虐嘅慾望，若然女方主動提出，咁以後就變成例行公事，玩得多仲好快厭添，反而用一種扮無知又想試嘅態度，男人就會輕易上當，講到尾就係要靠「情趣」，至於點樣可以增加呢方面嘅知識，咁就要買本睇吓喇！

書名：Bad Girl Sex: For Those Nights You Want To Be Naughty

售價：約HK$23（亞馬遜電子版）

撰文：魂、賢