男人最鍾意上床嘅時候見到女方反應強烈，不過有時女方只係假扮高潮，而男人就最怕呢種「戲劇性」演出。有人話男人個鼻大，那話兒亦相對地較大，有專家就話腳板愈大命根愈大。男人上床為尋開心，咁女人上床又為乜呢？
男人對自己嘅性能力好執着，除咗希望持久力同勃起硬度夠強，仲希望可以練就上乘性技，令女方欲仙欲死、咬碎銀牙，其實諗諗吓男人上床都未必完全係為咗令自己得到快感，好大機會係為咗滿足女方。至於女方為咗令男方得到滿足，好多時喺床上會假扮高潮。之不過，尋常女仔冇讀過演技訓練班，假扮高潮嘅技巧往往會被男方識穿。一個來自日本嘅調查顯示，受訪嘅男士當中有44%可以分得出女仔喺床上係咪扮興奮，另一方面，有73%希望女仔唔好扮高潮，當中有意見話如果係咁佢就唔知道自己嘅性技係好定差，冇辦法改進。至於希望女仔繼續扮高潮嘅男士們，其中就有意見話睇魔術同睇電影大家都知道係假啦，若然能夠投入其中，自會覺得無比興奮喎！
從面相當中，可以睇到一個人嘅健康狀況，最簡單就係睇雙眼，如果眼白泛黃好可能係肝臟功能有問題，雙眼有黑眼圈就一定係唔夠瞓冇精神啦！據聞要知道一個男人嘅命根兒長定短，從身上其他部位亦可以睇得出，例如有人話個鼻愈大愈有錢，仲代表命根兒又長又大。而喺英國就有科學家研究男人嘅腳板同其命根兒嘅大小有冇關係，佢哋搵嚟104名成年男士協助研究，發現佢哋嘅腳板愈大，命根兒就愈長，例如鞋碼為5.5號嘅男士，命根兒平均長度得2.2吋，而鞋碼去到13號嘅男士，命根兒平均長度達到7.1吋喇！不過，有人質疑只係搵咗百零個男士嚟做研究，可信性唔高，最好就係搵到過千人嚟度一度長度咁至可信喎。
好多男仔都話，求女伴上床仲慘過做乞兒乞錢，難怪佢哋會心思思出去滾。之不過，咁樣其實係男士們唔體恤女方，因為女士們都有性慾，只不過係男方未夠技巧將女方撻着啫！有男士可能會話：「要令女仔願意上床，除咗要有愛至有性，仲要製造浪漫氣氛，咁好難做喎！做愛唔係已經好浪漫啦咩？」加拿大渥太華大學一個研究就訪問咗510名年輕女仔，問及有咩因素令佢哋有性衝動同男仔做愛。排名第一位嘅係佢哋被一個好有魅力嘅男人所吸引，故好想同對方做愛；第二位係尋開心；第三位就係想發洩性慾。負責呢個研究嘅專家分析，從結果嚟睇，家陣嘅女仔上床其實已經唔一定要有愛至有性，只要覺得有興趣就會入閘，所以各位男士如果嫌女伴成日都唔肯上床，咁就要反省一下係咪自己唔夠吸引力，以及床上功夫唔能夠滿足到對方喇！
撰文：賢