暗黑系、愛情系等成人漫畫系列我哋就睇得多，只係大家有冇諗過，原來當中都可以同搞笑扯上關係呢？日本成漫家瀨奈陽太郎正係箇中高手，畫風逼真寫實嘅佢，將色情同搞笑呢兩種元素糅合一齊，睇到人既開心又興奮，代表作係單行本《博士的奇妙愛情》。
早喺上世紀90年代，瀨奈陽太郎已經活躍於漫畫同人界，而佢喺讀書時期就開始鍛煉畫功，曾經擔任漫畫家唐澤直樹嘅助理。起初佢喺同人圈所發表嘅作品冇特定嘅類型，其後則以成人漫畫為主，佢筆下嘅女角除咗係索女同巨乳之外，更係性格爽朗，加上搞笑嘅劇情，令佢備受注目，喺2001年獲得成人漫畫月刊《COMIC零式》嘅邀請發表作品，自此開始職業成人漫畫家嘅生涯，憑住獨有嘅搞笑成漫作品，人氣不斷攀升，並推出入行以嚟首本單行本《JOKER》及人氣作《博士的奇妙愛情》，令事業更上一層樓。
喺2003年時，發表基地《COMIC零式》因母公司經濟問題而倒閉，於是佢轉到另一漫畫月刊《COMIC Penguin Celeb》繼續發表新作，憑藉個人實力同人氣，佢獲得出版社器重，先後推出《Hello‧Hello》、《薯仔丸！？》、《官能的方程式》等單行本，不過搞笑元素減少咗，反而傾向嚴肅同着重男女心理描寫，雖然同佢賴以成名嘅搞笑風格有極大差別，但憑住作品嘅深度以及出色嘅畫功，令佢嘅人氣有增無減。
講到瀨奈陽太郎嘅代表作《博士的奇妙愛情》，一開始先大玩男主角異愛澤博士最新發明嘅「性別轉換裝置」，仲預告自己以後會轉畫BL題材，跟住入到正題更惡搞經典科幻電影嘅劇情，絕對係娛樂性十足。呢本漫畫除咗收錄點題長篇作品《博士的奇妙愛情》、《我的真心獻給你》、《沙漠的漫長午後》、《獻給愚蠢靈長類的讚歌》、《特別篇 秘密按鈕XX》、《女間諜萌力爆發時》、《夢是殘酷的夜女郎》及《Final 在那個晴天……》共8個章節外，仲有《女忍者！》、《愉快的暑假》、《普天之下心猿意馬》及《太太是女忍者》4個單元故事。不過，講到最唔可以錯過嘅部分，自然非主打故事《博士的奇妙愛情》莫屬。
講述瘋狂發明家異愛澤博士成功製造出「瞬間物質傳送器」，興奮嘅佢諗住同巨乳助手風間季奈子分享，點知被對方潑冷水，指傳送嘅結果不外乎同動物融合、被困喺傳送空間或者靈魂交換。正當季奈子轉身離開時，博士突然上前攬住對方擁吻，然後季奈子就暈倒。當佢醒番時發現自己同一隻貓困喺傳送器當中，原來博士趁接吻時，將具有催眠作用嘅「睡神之聲潤喉糖」傳到季奈子嘅口中，然後佢唔理季奈子嘅反對將傳送器啟動，結果季奈子變成一個長有貓耳同貓尾嘅貓女，更同貓咪一樣咁發情，而博士本着科學研究嘅藉口同佢曳曳起嚟。喺博士嘅瘋狂活塞運動下，貓女季奈子喵喵狂叫，博士以為季奈子喺佢狂攻下高潮迭起時，點知季奈子突然將博士推開，然後話作為貓女嘅佢，雄性人類嘅兵器已經唔可以再令佢感到滿足。究竟呢對瘋狂組合跟住會有乜嘢出人意表嘅行徑呢？想知嘅話就要搵呢本經典之作嚟回味一下喇！
《博士的奇妙愛情》
作者：瀨奈陽太郎
出版：富士美出版
頁數：224頁
撰文：魂