最近日本AV界發生咗一件震撼業界，甚至係震撼該國社會嘅大事！就係有AV經理人事務所前社長，被當地警方指疑似逼女仔拍AV喎！今時今日仲有女仔被人逼良為娼嘅咩？到底係邊個向警方投訴，搞到當局採取行動呢？近日澀谷辣妹女優AIKA就忍唔住口公開爆料，話自稱被迫拍AV嘅疑似係蘿莉系淫娃藤原瞳！
弊弊弊！慘慘慘！驚驚驚！點解咁弊？點解咁慘？點解咁驚？因為小弟鍾意睇嘅日本AV喺未來好有機會出現供應量大減嘅問題呀！何解呀？較早前，由於有人向警方報案，指出知名AV經理人事務所Marks Japan疑似強迫女仔拍AV，搞到事務所前社長連同3位職員被警方以日本法例「勞働者派遣法違反」罪名拘捕咗，連隸屬同一集團嘅姊妹事務所Five Promotion及相關AV廠據聞同樣受到牽連，被警方以犁庭掃穴方式進行一連串調查。據悉，有前女優報稱喺2013年拍攝一部AV作品時，在事前未同意下，被事務所同AV廠拉去拍片，就係咁引發如此席捲整個日本AV界嘅軒然大波，甚至有機會搞到AV廠要暫停運作接受調查！不過，到底邊個女優聲稱被人強迫拍AV呢？報料人士嘅身份終於曝光，疑似係藤原瞳。
收到事務所前社長被逮捕消息後，Marks好多現役專屬女優紛紛表示對公司負責人及運作風格投下信任一票。而唔講唔覺，原來Marks嘅專屬女優可謂陣容鼎盛，包括有剛剛奪得SkyPerfecTV成人放送大獎最優秀女優嘅初美沙希、喺DMM成人大獎奪得優秀女優獎嘅超人氣澀谷系辣妹AIKA、輕熟女新貴羽月希、彩美旬果及湊莉久等。其中，初美沙希最先透露出聲稱被迫拍AV嘅女優嘅底蘊，話呢位女優之前活動相當多，引退之後識咗個男友，仲同男友仔表示之前拍AV係被迫嘅，而男友知道後一心要代女友出頭，向警方告發此事！之後，一向敢言嘅AIKA終於忍唔住爆響口，話呢個女優疑似係曾經幾有名氣嘅藤原瞳！
另一位辣妹丘咲愛蜜莉表示，藤原瞳出道以來拍咗超過三百部AV，如果話佢係被迫拍片的話，愛蜜莉第一個唔信。DMM大獎2016年最優秀女優大槻響都話如果為咗幫自己講大話，居然將身邊嘅朋友捲入事件，呢種人唔做朋友都唔使恨。而事實上，根據知情人士表示，雖然AV女優喺拍片背後，好可能面對過AV界不為人知嘅「秘密運作手法」，但係家陣絕大部分女優都係自願而又樂意去拍AV，原因係拍片基本上都冇得逼，二來AV集團嘅負責人都唔想惹官非。此外，有AV業界人士仲話，近期發現法律界有唔少人頻密地向半紅不黑嘅AV女優埋手，試圖慫恿佢哋向事務所、AV廠爭取權益，目的當然係從中賺取服務費同訟費啦！
撰文：賢