男女初次見面就去開房，相信唔係幾多人可以接受得到，不過第二次見面就唔同講法喇！天時暑熱最好梗係去游水，原來玩泡泡一樣可以消暑，仲好養眼添！英國有一間別開生面嘅餐廳，唔係提供特別菜式，而係食客要全裸先至有得食！
雖然話家陣大家嘅思想都比以前開放得多，之不過如果男女第一次見面就上床，大部分女性都未必可以接受，皆因咁樣太隨便，一啲矜持都冇，除非佢天生係淫娃啦！咁如果第二次見面就上床，女士們又點睇呢？早前日本就有一個相關調查，訪問咗100位成年女士，睇吓佢哋同異性喺第幾次約會之後上床，一如所料，初次約會就同對方上床嘅只得5%，至於再次見面又有幾多女仔接受得到同對方去爆房呢？嘩！有64%受訪女士表示可以接受呀！照咁睇嚟日本女仔都幾開放，容易對異性放下戒心！
近期雨水特別多，濕度又高，搞到一出街就成身濕立立好唔自在，返屋企要即刻沖個涼先得。提到沖涼，小弟我就最鍾意浸泡泡浴，喺浴缸邊浸邊玩泡泡，成個人心情即刻放鬆晒！如果能夠同愛人一齊浸就最好不過，若然可以同多個美女同場玩泡泡更係不枉此生。早前瀋陽有一個叫做「Bubble Run」嘅大型戶外活動喺奧體中心舉行，大會請來過百位身穿比堅尼嘅模特兒同數千位來賓一齊喺滿布白色泡泡嘅場地跑步，仲一齊玩泡泡兼用水槍打水戰，場面熱鬧又養眼，我都好想玩埋一份呀！
小弟多數喺家中自己煮食，一來行街市買餸係一種樂趣，二來自己煮更合口味，三來出街食飯都幾貴，而且貴得嚟質素欠佳，畀錢都要受氣，咁我不如唔食好過啦！之不過，如果香港開呢間餐廳，就算幾貴幾難食，我都會樂意去幫襯一下！英國倫敦有一間名叫「The Bunyadi」嘅餐廳，特別之處係所有客人都要剝光豬食飯，至於男女侍應只穿內衣褲招呼客人，係咪齋聽都興奮呢？每位客人要遵守規則，例如唔可以影相，亦唔可以做出不文動作，總之係乖乖地享受餐廳嘅食物同飲品。雖然我都好想幫襯，之不過餐廳老闆話截至現時為止，已經收到46,000人訂枱，真係有排等喎！
撰文：賢