正所謂有老婆溫大髀，邊個想食自己，不過喺日本就有唔少老公喜歡自娛。世界和平相信係好多人嘅願望，而為咗宣揚和平訊息，喺哥倫比亞就有6,000人全裸上陣！髮型對個人形象好重要，至於毛毛嘅造型亦不可忽視，咁邊種Look最深得男人心呢？
夫妻關係要維持長久，最重要係喺生活當中取得協調，如果兩人唔遷就的話，就一定家無寧日，分分鐘會大打出手。除咗日常生活要協調，性生活當然要協調啦。之不過，男人嘅慾望同女人唔同，男人可能因為見到一張性感照片而起火，但係女人就需要慢慢培養氣氛至有慾望。可能就係因為咁，加上自娛習慣養成已久，唔少男人就算結咗婚都會「食自己」。早前日本就有個相關調查，訪問咗200名年齡介乎20至30多歲嘅人妻，問佢哋有冇見過老公自娛，當中就有10%老婆話曾目擊過老公自娛，61%話雖然冇見過，但係知道老公有自娛習慣。知道老公唔同自己做愛而選擇自娛，老婆又點睇呢？會唔會嬲嬲豬呢？當中只有3%表示會嬲，有36%卻反而會放心，咁又係嘅，老公自娛梗係好過出去滾啦！
唔知大家一生人當中，一次過見過幾多個人剝光豬呢？十個八個？小弟就曾經見過二十幾個女仔喺我面前剝光豬換衫！呢個歷史性一幕小弟依然歷歷在目，更將呢個畫面視為一生當中其中一次成就！之不過，呢次經歷其實只係雞毛蒜皮，早前喺哥倫比亞作公然全裸嘅人數實在多得緊要！當日位於哥倫比亞首都波哥大嘅Bolivar廣場有6,000名男女齊齊剝光豬！點解？佢哋係應美國攝影師Spencer Tunick嘅要求咁做，原因係呢位攝影師有鑑於國內持續有武裝分子暴亂，於是就搞咗呢次6,000人光豬攝影，希望藉此宣揚和平訊息！嘩！當日人數眾多，男男女女都全裸上陣，場面壯觀又養眼，只可惜當日小弟唔在場。
所謂人靠衣裝，外表整潔係相當重要，如果男女關係深厚，雖然唔使再靠打扮吸引對方，但係亦要注意清潔衞生，以及毛毛嘅處理！相信好多男女都唔希望喺上床嘅時候見到對方嘅毛毛又多又雜亂，一個日本調查發現，受訪嘅男士當中有58%會喺做愛嘅時候留意女方嘅毛毛，更加有28%表示相當在意對方嘅毛毛造型，若然雜亂無章會導致性慾大減！咁日本男人最鍾意咩造型嘅毛髮呢？第三位係整齊嘅倒三角形，第二位係直間型，而最多人鍾意就係白虎，換言之女方最好將毛毛剃晒，光光滑滑咁就最吸引喇！唔怪得日本AV有咁多白板娘系列啦，原來日男多數都鍾意白虎型。
撰文：賢