AV女優聽過同睇過就好多，只係講到佢哋點樣出道，大家又知道幾多？自問有條件嘅話，可直接踩上女優經紀公司自薦，或等公司登廣告招聘AV女優時去應徵。不過絕大部分嘅AV女優卻係透過經理人公司嘅星探喺街頭發掘出嚟。以下呢三位AV女優，大家又知唔知佢哋喺邊度被人野生捕獲呢？
捕獲地：涉谷車站
話時話：運氣嘅嘢真係話嚟就嚟，想好運成為當紅AV女優，就一定唔可以錯過涉谷車站同附近街頭，皆因唔少紅到爆嘅AV女優，都喺呢度被發掘出嚟o架！
2002年喺AV界出道嘅蒼井空老師，佢嘅大名同資料相信唔使多介紹。於2001年嘅秋天傍晚喺涉谷車站，佢因約咗人而急急腳咁行，突然收到張星探遞埋嚟嘅卡片，據佢講當時心諗「終於被星探發掘啦！」約會結束後，佢決定打電話畀經紀公司，憑住童顏巨乳而喺AV界打出名堂。
捕獲地：新宿車站
話時話：新宿車站東口一直到歌舞伎町街口為止，咪睇佢得嗰幾百米距離，卻係AV星探密度冠絕日本嘅地帶！自下晝到深夜，雲集最少30名AV星探狩獵，聞說有唔少想成為AV女優嘅女生，甚至會反過嚟喺度等被捕獲。
有資歷嘅AV迷都必定會聽過佢嘅名字，當年同夕樹舞子齊名，最初喺新宿街頭被發掘，其後於2001年出道。據稱灘純起初以為做寫真模特兒，仲喺訪問中發誓話「絕對唔會演出AV」。不過最後因萬惡嘅金錢，以宇宙企劃專屬女優身份喺AV界亮相。
捕獲地：池袋
話時話：論積極性，雖然池袋嘅AV星探冇新宿咁積極，但係眼光卻相當準，埋親你身即係你一定有機會變紅星，問題係佢會唔會埋你身啫。
川島和津實有「AV界山口百惠」之稱，係90年代紅極一時嘅AV女優。出生於日本東京，其後喺池袋街頭被星探發掘。入行前係快餐店員工，被星探捕獲後最初拍攝性感寫真，其後為廢青男友還債，索性拍AV搵錢。於1999年5月宣布引退，原來撇甩廢青男友而嫁畀經理人。
唔好笑住！作為香港人想掃平嘢，點可能唔去行100 YEN店先？不過原來呢啲平價店，竟然亦有AV星探出沒，只係佢哋物色嘅對象卻係中女，認為佢哋掃得平貨即係冇錢使，所以游說佢哋拍AV搵快錢。
撰文：魂