從坊間我哋可以發現有唔少活動有AV女優演出，不過該活動又未必同AV界有直接關係，例如喺一系列SM活動當中，可以見到轉型為SM表演者嘅若林美保及範田紗紗喇。至於最近則有個由日本低腰褲協會隆重舉辦嘅運動會，除咗一班AV女優夠搶鏡外，其他參加運動會嘅寫真女郎一樣咁正！
喺日本有好多充滿特色嘅協會成立，例如專門影女仔一雙玉腿嘅玉腿攝影協會，亦有孖辮子協會，不過呢類協會已經算係正經，遠遠不及日本低腰褲協會嚟得咁激！有幾激呢？協會嘅成員主要都係走色情路線嘅着衣寫真女郎，雖然佢哋堅決唔露點，然而進行攝影嘅時候卻會換上超窄身低腰褲搞到玉臀半露，股罅幾乎畀人睇到晒！而呢個協會嘅理事長就正係SM界殿堂級人物葵瑪莉！如果大家對日本SM界有多少認知，都知道葵瑪莉乃係非常人，專門搞充滿色情感覺嘅表演大會，喺5月21日瑪莉姐又再出手，聯合低協一共15名露股喪妹舉行感謝祭兼低腰褲運動會！而運動會則採用紅白大賽形式，將班喪妹分為紅白兩組進行多項競技大賽，睇吓邊一隊係「股壇」最強。喺運動會開始之前，班女先做一輪廣播體操熱一熱身。台下一班觀眾見到班囡囡半露玉臀不斷扭動，興奮到尖叫再尖叫！熱身得快過班囡囡。
喺理事長葵瑪莉嘅宣布下，低腰褲運動會正式開始，從眾多露股喪妹當中，我哋可以見到唔少AV迷熟悉嘅面孔，例如原美織、武藤津久美及美織舞都係知名AV女優，另一方面，美貌、身材與演出火辣程度都唔會輸畀一班AV女優嘅仲有着衣偶像，連小弟都要畀個Like佢嘅赤根京！不過，赤根京就未有參加比賽，因為佢要擔起啦啦隊隊長及主持嘅重任，然而赤根京喺打扮上卻一樣咁吸睛，只以白布帶遮住個G Cup巨乳，南北半球幾乎跌晒出嚟。正呀！講咗咁耐，運動會嘅第一場比賽到底玩乜呢？紅白兩隊嘅喪妹分別鬥跳繩，而第二場則各自將一個計步器夾喺股罅，數完一二三就齊齊喪扭玉臀，搞到場內「股」舞飛揚。計步器會計算佢哋一分鐘內可以喪扭幾多下，兩隊嘅扭股次數就會被記錄，作為最後計算總分定勝負之用。
喺限時內極速扭臀相當考驗身體嘅爆炸力，之後第三場就要鬥耐力喇！紅白兩組進行七對七嘅扯大纜比賽！勝負方面就唔使理會，因為比賽期間班喪妹個個為咗扯贏對方，全程毫不留力同錫身，雙手用力仲要雙腳撐實地面，佢哋本身着嘅短褲已經夠晒窄身，雙腿用力嘅時間更逼到幾乎甩褲，玉臀唔只半露，更加係大露！最後一場就係胸接棉花糖比賽，紅白兩隊各派出代表，拉開身上嘅恤衫，然後由特定距離嘅隊員向代表拋棉花糖，接得最多嘅為之勝出，而喺呢場比賽就由紅隊以一千克嘅重量之差贏咗白隊，最終憑此成績奪得總冠軍寶座！除咗一連串比賽，運動會仲上演咗唔少表演環節，例如由美織舞同原美織大跳二人芭蕾舞，以羽佐美麻優為首嘅女子組合野玫瑰果SSS則載歌載舞，為運動會生色不少。
撰文：賢