相信好多男人年輕時都會對年紀比佢哋大嘅靚姐姐充滿幻想，呢類大姐姐甜美迷人，面孔同身材未必好標青，但係和藹可親，令人窩心。今次推介兩位日本寫真女優就係呢種甜美姐姐，佢哋笑得甜之外，胸前一對蜜桃形美乳更係令人流晒口水。
做男人要擁有廣闊嘅胸襟，對人對事都要講求包容，千祈唔好亂咁動怒發脾氣。之不過，做寫真女優亦一樣要有廣闊胸襟，如果上圍冇番咁上下分量，又點吸引到班麻甩佬注意呀！而殿倉惠未除咗有豐滿上圍，演出寫真嘅時候亦相當樂意作胸前大解放。惠未氣質迷人，面上一派大姐姐風格，加上一把長長秀髮予人親切好感，充滿心靈治愈力，一望就令人冇晒煩惱。惠未仲擁有高挑又豐滿嘅極品身材，身高5呎6吋，皮膚嫩白，胸前有一對F奶，拍寫真嘅時候經常賣弄美巨乳。
喺寫真DVD《Secret Lover》當中，惠未好多時中門大開，將F奶之間嘅廣闊「胸」間完全展露！另外，佢亦會換上充滿SM Feel嘅特別打扮，而鏡頭一轉又會換番和服配其親切笑容大賣姊系感覺，令作品滋味十足，值得細味品嘗。
碟名：《Secret Lover》
收錄時間：90分鐘
售價：約HK$287
喺日本寫真DVD作品當中，有兩個動作唔係個個女優都會做，第一個係全身平躺，第二個就係俯身倒奶，難度唔係好高咋喎！又唔係叫佢哋玩一字馬！點解唔做得呀？唔少寫真女優都係疑似「假大胸」，平時企定定拍攝一般都難以發現，但係一旦平躺或倒奶，就會即時現形，真係幾趕客！換句話說，夠膽做呢兩個動作嘅女優就梗係真大胸啦！就好似川村由紀咁。
川村由紀係小弟一直以來相當欣賞嘅女優，首先，由紀嘅正統派美貌吸引，笑同唔笑都各具韻味，認真迷人！其次就梗係身材誘人啦！由紀胴體健康苗條，胸前嘅F Cup蜜桃巨乳多年來都保持堅挺彈手，係咪打假波？欣賞由紀嘅最新寫真DVD《裸足之季節》就知真假啦！喺作品當中，由紀換上火辣比堅尼喺陽光與海灘下搔首弄姿，令人精神一振！由紀仲會夾胸又托胸，更做出俯身倒奶動作，再嚟搖蕩雙峰，畀大家睇清睇楚其蜜桃乳純屬天然，畫面梗係幕幕誘惑至深！
碟名：《裸足之季節》
收錄時間：90分鐘
售價：約HK$287
撰文：賢