日本寫真界有好多青春嫩口女優，之不過講到誘惑味濃郁，一定係輕熟女，好似杉原杏璃、尾崎奈奈都已經年過三十，但係韻味濃，兼且雙峰大，一樣迷倒男人，今日為大家介紹嘅兩部寫真DVD當中，演出嘅女優亦係呢類成熟又好波嘅尤物。
所謂鹹魚青菜各有所愛，喺日本寫真界當然唔單止得鹹魚青菜呢兩味啦！寫真女郎咁多，梗係有好多不同風格啦！不過，大致上亦可以分為兩類，一類係健康性感，好似原幹惠、今野杏南咁，只賣外在美，鮮有激烈而帶色情味嘅演出，另一類就相反，雖然唔露點，但係演出充滿色情味道，川原洋子就係呢類女優喇！
洋子今年35歲，喺2001年已經活躍於寫真界，以豐滿胴體以及姊系面孔誘惑觀眾。洋子出眾嘅地方唔單止係身材，仲有大膽嘅演出風格，成日做出唔露點嘅全裸動作，亦會向鏡頭晒鮑魚。而喺寫真DVD《夢紀行》中，洋子貫徹大膽風格，然而胴體經過鍛煉之後變得比從前更苗條婀娜，誘人程度更高。另外，作品中會出現神秘之手嚟個雙峰按摩，再加插BB油抹玉臀，配合洋子淫到出汁嘅表情，AV都冇咁好睇呀！
碟名：《夢紀行》
收錄時間：90分鐘
售價：約HK$287
早幾年香港嫩模湧現，當中最出色嘅相信就係娜姐喇！佢唔單止薄身又好波，其寫真集仲充滿挑逗性，一幕刷牙刷到成個胸都係泡泡至今仍然令人回味。不過，呢類場面喺日本寫真界屢見不鮮，最近小松詩乃亦有得出賣，而且玩得更加意淫。小松詩乃今年31歲，喺寫真界活躍咗十年之久，雖然家陣冇以前咁青春可愛，但係女人味愈來愈濃，一副37H-24-35勁爆身材豐滿誘人，即使拍埋寫真天后杉原杏璃身邊，亦絕無半點遜色。
《隣之姊姊》係詩乃嘅最新寫真DVD，喺演出當中佢放肆地喪夾H奶，更加會連胸圍都除埋只用雙手僅僅遮住兩點，令豐滿嘅胸肉盡現大家眼前。另外，詩乃仲會表演口技，以一派滿足又享受嘅表情狂舔雪糕！我都好想成為呢舊雪糕呀！
碟名：《隣之姊姊》
收錄時間：70分鐘
售價：約HK$287
撰文：賢