相信大部分男人對女人豐滿嘅胸部有興趣，當中有咩原因引致呢？早前內地喺大街大巷竟然播放鹹片，究竟邊個咁大膽？男人成日諗住偷食，唔知英國人對伴侶嘅不忠比率有幾高呢？
小弟我一向都坦白承認係一名胸奴，所睇嘅AV及水着寫真都一定係由巨乳女優演出。老實講，除咗我之外，好多男人都鍾意睇「波」，女士們只要露少少乳溝，男人就會眼甘甘。其實女人全身有咁多部位，點解男人係都要睇「波」呢？有外國網站早前就為呢個問題進行探討，引述新西蘭威靈頓嘅維多利亞大學一項研究，發現鍾意睇「波」嘅男人佔47%，其餘就有30%鍾意睇腰，愛睇股嘅只有23%。網站再引述美國一位心理學家嘅研究，表示男人鍾愛咪咪源於小時候受過母乳餵哺，進食母乳期間長時間望住胸部，及感受到無比親切感，到長大之後成為胸奴嘅機會就好大喇。專家又話，喺保守國家，由於鮮有見到女士嘅胸部，所以對胸部嘅熱切追求亦會減低。
睇鹹片乃係小弟嘅嗜好，每晚夜深人靜就會關埋房門睇個夠，不過睇嘅時候都要戴上耳筒，以免淫聲浪語嘈到屋企人。然而，睇鹹片係咪一定要咁偷偷摸摸呢？早前喺內地黑龍江牡丹江市就公然喺大街播放鹹片。是咁的，某日大街上嘅巨型螢光幕原本係用嚟播廣告做宣傳，之但係唔知點解突然出現播送事故，螢光幕居然播出鹹片，畫面中清楚見到一男一女激烈床戰，吸引唔少男士駐足欣賞，路過嘅女仔就睇到面都紅埋，然後掩面離開，情況相當尷尬。點解無端端會播放鹹片呢？暫時未有人承認責任，謎底仲未揭開。
身邊好多兄弟都陸續結婚生仔，而佢哋結婚之後都收心養性，安心做個好老公好爸爸，小弟見到佢哋咁幸福，亦老懷安慰。之不過，有好多有婦之夫依然心思思想出去偷食。喺香港出軌人數有幾多，暫時未有調查可以話個答案畀大家知道，而喺英國就有喇。一個調查訪問咗1,000名年齡由18歲至65歲嘅成年男女，結果發現當中有18%話試過趁伴侶入睡之後外出偷食。所謂天網恢恢，做任何事情都會留下痕迹，有38%受訪者就話萬一發現伴侶出軌，一定會終止兩人關係，絕對不能容忍對方偷食。
撰文：賢