香港女仔好奇怪，專門搵美食滿足胃口，但係要佢哋煮餐飯卻手忙腳亂，甚至唔想煮。不過，日本女仔就唔同，好多日本寫真女郎由於一個人搬去東京發展，為咗慳飲食費用要學識煮兩味，久而久之變得廚藝了得，可愛巨乳妹天木純就係其中一位。
20歲嘅天木純自從由地下女子組合「仮面女子」成員變成自由身發展之後，憑住一副純真童顏以及37I雪白巨乳成功突圍，喺寫真界異軍突起。最近純妹喺博客中表示手頭上嘅工作暫時唔繁忙，於是同班小學同學一齊喺東京吃喝玩樂，去到一間大阪燒舖頭幫襯，阿妹仲一顯廚藝，親自為班同學整大阪燒，煮得有紋有路，真係叻女！另外，純妹一行人去參觀埋東京晴空塔，玩得不知幾咁開心！下次記住預埋我呀！
網址：http://ameblo.jp/jun-amaki/
撰文：賢