魔蟲觸手控

講到日本成人ACG界嘅特殊產物，觸手絕對係其中一種，事關喺好多成人作品中，總會見到呢啲既長又粗壯兼鹹濕嘅觸手，對女角進行百般凌辱。如果你對觸手題材情有獨鍾嘅話，呢隻由日本成人遊戲商Black Cyc推出嘅最新作品《EXTRAVAGANZA ～蟲狂編～》，絕對可以滿足到你。

故事講述喺一個神秘森林中住有獸魔蟲，為咗操控呢啲邪蟲便衍生出蟲使一族。本嚟蟲使嘅下任首領係一位叫做蓮嘅少男，但係喺一次首領鬥爭中，佢輸咗畀同族嘅少女櫻井夢美。之後，蓮表面被賦予監視獸魔蟲嘅任務，實質係被驅逐出森林。失去地位嘅蓮獲得超級企業嘅社長收留，並喺一次綁架中，蓮救咗社長嘅獨生女武美彌香，自此蓮同彌香過住同居生活。不過對蓮嚟講，重奪蟲使首領嘅地位先至係最重要，而喺呢個時候突然有位美少女嚟搵佢，究竟呢個人會引發出乜嘢新事件呢？

開發商：Black Cyc