雖然唔係所有男人都對巨乳有興趣，但係每當有巨乳索女經過，總會忍唔住(目及)多幾眼。為咗滿足男士嘅視覺享受，日本成人漫畫都愛以巨乳女角色作為賣點，講到當中對巨乳有無比執着嘅漫畫家，就肯定係琴義弓介，呢本《土氣巨乳 黑川小姐的情色性生活》係代表作。
早喺90年代活躍於日本漫畫同人界嘅琴義弓介，憑住出色嘅畫功及筆下女角個個都擁有驕人巨乳而備受注目，處女作係《Gontan Comes》，之後陸續推出單行本，包括《淫insult》、《觸乳》、《MIDARA》、《觸乳 2》、《JUICY FRUITS》、《組曲蜜乳》、《組曲 蜜乳 2》等，全部銷量成績理想，更奠定佢喺成漫界大師級地位。
佢曾經喺漫畫嘅序講過，對巨乳有着非一般嘅熱愛，為咗展現巨乳嘅質感，佢花過唔少工夫。而大家細心留意嘅話，就會發現女角進行唔同體位時，巨乳會因應唔同動作而產生不同形態，如此細緻嘅巨乳刻畫，難怪成為胸奴兼成漫迷嘅收藏品。除此之外，佢講故事嘅技巧亦相當出色，尤其係處理轉折位，即係從劇情部分轉到床戰時，不但唔會令人覺得突兀，反而鋪排得合情合理，更令角色富立體感。仲有，佢繪畫床戰場面更係一絕，體位變化多端，有好多超高難度動作，最愛無節奏嘅前後門玩法，加上誇張嘅面部表情同反應，將視覺效果推至頂峰！
至於佢嘅代表作《土氣巨乳黑川小姐的情色性生活》，收錄咗曾於成人漫畫月刊《COMIC HOT MILK》上發表過嘅作品，包括《媽媽對戰遊戲》、《BE QUIET!》、《我喜歡不說不的你》、《難掩巨乳！？》第1話至第7最終話，合共3個單元故事及一個長篇故事，當中必睇嘅故事梗係由琴義落力打造嘅長篇作品《難掩巨乳！？》。據琴義喺書中介紹，《難掩巨乳！？》之所以會以土氣十足嘅黑川作為女主角，皆因佢發現身邊總會遇到呢種類型嘅女性，所以對佢哋有深入嘅認識，喺構思好女主角嘅性格後，佢決定以此創作一個劇情有趣嘅調教故事。
講述衣着老套又好驚同人溝通嘅黑川，卻令大和田對佢產生好感，千方百計希望拉近兩人嘅距離。喺一次偶然嘅機會下，大和田發現黑川不但愛玩Cosplay，更驚覺對方擁有一對豪乳，於是趁機將對方性感一刻偷偷影低，卻估唔到因為呢張偷拍照而成功同黑川拉近。黑川同大和田剖白佢之所以咁怕同人溝通，全因細個時已擁有巨乳身材，因此經常被人取笑，令佢唔敢同人接觸，唯獨玩Cosplay時先至可以釋放自己。大和田決定要幫助黑川重拾自信，於是便同黑川講一啲都唔介意佢對大得誇張嘅車頭燈，令黑川相當感動，繼而兩人發生超友誼關係，不過呢一切都只不過係黑川重拾自信大作戰嘅開始，唔係，應該係叫做黑川調教大作戰嘅序幕至真。
另一個作品《BE QUIET!》亦令人有意外嘅驚喜，故事講述男主角和也同女主角小芙係有10年交情嘅青梅竹馬，但係兩人經常為小事而吵鬧。而當和也嘅母親得悉，和也同小芙原來非情侶關係，為咗可以令兩人行埋一齊，便決定暗中布局，實行將和也同小芙嘅關係發展到另一個地步。喺和也母親從中作梗下，兩人嘅慾望不斷升溫，只係佢哋嘅關係能否進一步昇華呢？咁就要等大家自己睇吓喇！
作者：琴義弓介
出版：CORE MAGAZINE
頁數：184頁
撰文：魂