作為成人產業龍頭嘅Pornhub，唔係大家噏兩句話係就係，仲要帶領潮流！Pornhub威在身為色情供應者但形象唔色情，誇啲講同色情無關，反而係關注全球性健康嘅推動者添！今期又有新搞作，推出名為BangFit項目，集成人內容、技術、健身及遊戲於一身，你以為超堅？查實佢同大家講笑咋！
BangFit嘅概念即係「sexercise」，以性事當運動，透過不同姿勢計算過程所燃燒嘅卡路里，達致收身效果，無論打J，抑或男女肉搏，定係多P都啱使。BangFit忽然潮爆，皆因獲傳媒爭相報道，除咗Pornhub個朵，仲有BangFit有一條腰帶，配合智能手機及官方健身App，喺準備「床上運動」前箍喺腰間，就可以計算啪啪啪消耗嘅卡路里，仲可以同伴侶一齊上網揀官方提供嘅「sexercise」，目前有12種男女性愛姿勢選擇，每款列明男女所消耗嘅卡路里，每組運動持續30分鐘，睇吓最後減到幾多！官方亦製作短片教如何利用BangFit作性愛鍛煉計劃。
類似概念其實多年前已出現，最經典莫過於C-Ring，既提升男士持久力，同時可計算肉搏時心跳率及進擊次數，方便過BangFit百倍，但BangFit掛住Pornhub個名，邊個敢話唔潮呢？目前BangFit只得Beta（試用）版，外國網站TechCrunch測試指多次無法配對，唔係大家所幻想咁完美o架！
覺得BangFit好正好想試？可惜官網顯示BangFit暫「Sold Out」，亦冇交代幾時重售，其實只要有留意Pornhub，就會明白今次係「宣傳活動」多於想搵真銀。Pornhub係龍頭鹹網，報稱每日全球瀏覽量超過6,000萬人次，更有報道話過咗7,500萬添，2014年網站影片觀看更多達800億次，數字相當驚人。Pornhub要保持增長，搞花臣賣廣告一定唔少得，最勁就係搞鹹網形象唔色情，出街廣告更係老幼咸宜，睇到會心微笑，坊間咁多鹹網無一能及。再者標榜關注「性健康」，舊年先後同多位脫星搞關注乳癌及男士蛋蛋運動，網友睇鹹片Pornhub去捐錢，收「光明正大化」效果；去年聖誕喺短片網落廣告，內容係乖孫送禮畀嫲嫲，但另一邊爺爺非常落寞，其實個孫早就準備咗一份「實用大禮」，廣告玩溫馨，令人好笑又感動，並暗示老人家都有性需要。早前Pornhub當自己係「科技公司」，搞咗個「Wankband」手環概念，巴打打J同時將動力儲存，電力傳送到平板或智能手機使用，真正自己J自己電，快感又環保，當然呢啲噱頭嘢好快冇咗件事，但Pornhub個名更高尚。仲有喺Indiegogo網籌旗340萬美元拍「太空四仔」，射脫星上太空執劑，醒目嘅都知係宣傳伎倆，最後籌旗失敗，可見Pornhub玩食腦！
「硬銷」色情網民經已唔Buy，相反Pornhub愈軟銷卻愈討人歡心，加啲無聊幽默更大把傳媒爭住報道，好似今期《Huffingtonpost》報道一件男士必備恤衫「JerkShirt」，設計係希望男人可以神不知鬼不覺隨時隨地打J，喺自修室打、女朋友及姊妹面前又打，甚至一邊行街一邊打都得，完全冇人發現，件衫唔係惡搞，堅係衫嚟，每件售49.99美元，約390港元，過癮在右臂係一隻「假手」，由肩膀一直到手掌，有4種膚色選擇，着咗上身就多一隻右手，咁隻真右手就可以自由活動啦！
網址：www.thejerkshirt.com/
睇鹹網當然要打J，Pornhub又點會唔明白，積極開發軟件嘅同時，舊年更進軍「硬件」市場，推出首款男用J杯「3D電臀」TwerkingButt。呢個J杯有電動智慧扭臀技術，使用全新嘅「Cyber Skin」科技，透過藍芽連接智能手機嘅專屬App，可控制臀部搖動幅度及抖動速度，仲可以保持喺人體攝氏37度，配合埋VR虛擬實境，仲正過同真人搞嘢，售價499至799美元，可惜早已賣斷市！
網址：www.twerkingbutt.com
撰文：祖