人總係對唔會變嘅嘢有種安全感，因為當每次變化後，需要重新適應，所以情願安於現狀，唔會理未來發展嘅趨勢。其實每時每刻都喺度變化，唔變嘅話好快就會被淘汰。
曾經聽過色中老手稱，內地有啲私人屋苑內暗藏春色，玩家只需要打個電話畀對方，就可以獲得開門密碼，入屋直接搵女，最重要係由於呢啲架步位於私人屋苑，故此相當安全可靠，絕對稱得上鐵竇云云，但係家陣未必再行得通。話說北京大興區一個商住兩用嘅住宅區內，有個暗藏其中嘅架步，玩法同先前所講嘅一樣，玩家事前打個電話預約，就能夠上門搵囡囡。從表面嚟睇，呢個架步相當安全，開業半個月生意唔錯。不過由於居民發覺近來住宅區內出現唔少陌生男子，又有衣着暴露嘅女子出入，因此懷疑有人從事色情行業，喺搵齊證據後就去派出所舉報。警方收到線報後馬上行動，經過明查暗訪後，不但將玩家逮捕，並且拘捕架步內嘅雞頭同囡囡。經過呢件事後，原來藏身住宅區內嘅架步並唔係百分之百安全！
雖然唔少玩家都知道，台灣唔少外送茶同一樓一廣告中嘅小姐相片大多經過修圖，或者用其他索女嘅照片代替，從而引起玩家嘅興趣，雖然如此，仍然有唔少玩家幫襯。不過，以雙北地區旅館為根據地嘅應召站，就以囡囡嘅真實相片宣傳，喺網絡上大賣廣告，仲話不論樣貌同身材都係原汁原味，若然睇完真人後，發現同相中人有差異嘅話，願賠償車費咁話。講到咁實牙實齒，究竟呢間應召站嘅囡囡質素如何呢？答案就係從25到40歲不等，身材同埋樣貌都只屬一般質素。按道理嚟講，既唔係高質又唔係好波地，全套收費10,000新台幣（約2,500港元），應該唔慌好生意，但事實卻係相反，由於佢夠誠實，故此自開業以嚟吸引唔少玩家捧場。不過做得咁出色，睇怕負責人都要開始擔心，會唔會被有關當局突擊檢查喇！
據日本嘅風俗業調查發現，近年以混血風俗孃作招徠嘅風俗店，有持續增加嘅趨勢，喺日本各地都紛紛湧現呢類型嘅風俗店。據指原因係受到女藝人嘅影響，佢哋化身成混血女郎，以金髮、藍眼睛充滿西方風情嘅造型亮相。由於受到呢種風氣嘅影響，不但混血風俗孃備受追捧，亦有唔少主打混血風俗孃提供服務嘅風俗店應運而生。不過大家可能會問，呢類風俗孃係咪正宗混血兒呢？嗱！當中又真係好取巧，事關有唔少風俗孃雖然係金髮同藍眼睛，但都係經過化妝而已，亦有部分係喺美國出生，父母卻係正宗日本人。故此有日本玩家表示，如果想同正宗嘅混血孃調情，最好嘅方法就係先喺網上夜遊討論區做定功課，相對嚟講會可靠啲。
撰文：魂