脫星講嘢冇句真？又唔可以咁講嘅，其實脫星之所以吹水，無非係想滿足你呢班「老細」啫，好似明明冇高潮都要話High到升仙，討厭走後門都要來者不拒，點解？咪因為四仔迷標籤脫星係淫蕩，睇脫星就想有咁淫得咁淫囉！講到底脫星都係演員，鏡頭前做戲就做梗啦，查實佢哋都有真心一面，講完你係咪想知先？
凡關於性愛題材，脫星唔使考慮都會吹水回應，呢個係入行守規第一條，至於一啲唔使吹水嘅問題，佢哋又真係唔會吹水，例如成人網站Wood Rocket近期喺一個脫星問答環節Ask a Pornstar，由政治到感情及個人性習慣都問晒，脫星亦暢所欲言，甚至問一班脫星有關拍攝現場秘聞，估唔到脫星都願公開畀大家知喎！
嗱，四仔大家都睇過，係人都知性愛場面極少一氣呵成拍攝，純粹靠剪接完成，男人硬可以靠現場「女輔導員」擔擔抬抬，咁脫星又點呢？根據中女脫星Lina Cole表示，當導演嗌Cut嗰陣，脫星會將浸滿潤滑油嘅海綿放入下體，待再開機時抽出體外，營造非常濕潤狀態，Lina仲話呢招係前輩教佢，萬試萬靈，比自摸或用震蛋更有效，而所謂海綿只不過係女性化妝棉，用完即棄，經濟方便喎！
曾奪Penthouse Pet of the Year獎嘅90後新進脫星Layla Sin，話每星期總會拍兩三幕床戲，由於檔期排得密麻麻，所以「親戚到」嘅日子無可避免要開工，為求拍攝效果及免男優「衝紅燈」尷尬之苦，囡囡會喺片場不停沖身，然後用大量棉條索乾下體，當發現暫時未再有血流出就即刻上床，務求喺半小時內完事。
講開濕潤，又點少得一身油立立呢？經常演出推油片嘅一線脫星Anikka Albrite就有唔少經驗，據阿妹表示，玩油男優High，其實囡囡都好爽，所以佢承認拍片嗰陣脫星分泌物通常係真嘅，相反拍寫真時通常都係潤滑油加口水溝出嚟，尤其喺「大特寫」部位或潮吹寫真，因為要遷就攝影師，囡囡無法一時三刻潮吹，所以有必要造假喎！
幾十年都問緊嘅高潮問題，今日脫星都唔怕講真話，Layla Sin表示速食四仔年代，每日拍咁多四仔，並非脫星存心扮高潮，事實係時間唔容許你嚟，皆因男女演員都要按劇本進行，又要定時定候進入高潮，試過一日最多要演18次高潮，邊得嚟咁多高潮？因此阿妹只能夠講，外界睇到嘅高潮有真有假，但脫星自己睇番都分唔出喎！
通常四仔一早寫好劇本，但其實只係動作劇本，至於男女對白原來係導演即興，據演出過千套四仔嘅男優Mike Blue話，男女最重要清楚床戲動作，因為對白會喺鏡頭前出現，現場助手會拎住白板，寫上導演提出嘅對白，例如最常見要求男優同脫星講：「除咗條底褲」、「幫我深喉」等，反而脫星對白通常係講粗口咁話！
最後一個令外界非常羡慕但現實唔知真假嘅職業「勃起輔導員」問題，行內人稱為「Fluffers」，Mike少真心話依家經已冇呢個行業存在，只曾出現過喺八九十年代，兼且男女都有提供，但進入四仔工業化後，導演唔會再請幫手，相反，若然男女脫星唔可以隨時進入「戰鬥狀態」都好難再有得撈囉！
撰文：祖