男人欣賞性感美女唔一定係出於鹹濕，只係透過視覺刺激令自己情緒亢奮起嚟，甚至係慰藉心靈。而要將呢種慰藉效果充分發揮，性感美女最好就係擁有一副雪白又豐滿嘅胴體，面孔和善又好笑容，今日為大家介紹嘅廣瀨聰子同忍野沙羅就係渾身都充滿治愈力嘅寫真美人兒。
好多日本藝能人改名以求改運，而喺寫真界就有好多改名後人氣勁升嘅例子，好似紅透半邊天嘅今野杏南，前名叫戶井田杏南，清水愛里前名就叫平山藍里，佢哋改名之後喺寫真界發展如意，仲有廣瀨聰子亦係一樣。22歲嘅廣瀨聰子前名叫平野聰子，喺2010年出道拍水着寫真，不過當時阿妹個樣唔係咁靚，即使擁有一副白滑又豐滿嘅G奶身材，仍未受到注視。上年阿妹改名，同時個樣變靚咗，吸引力強咗，甜美笑容仲散發出無比治愈能力，令人氣急升！
寫真DVD《與廣瀨老師的秘密事情》就係阿妹改名後再戰寫真界嘅作品，當中佢換上嘅性感打扮多不勝數，大部分都係酥胸半露，配埋絲襪登場，搔首弄姿嘅時候帶出誘惑味非同凡響，但係聰子一邊擺出極具挑逗嘅甫士，一邊展露甜到漏嘅笑容，感覺真係好矛盾呀！
碟名：《與廣瀨老師的秘密事情》
收錄時間：119分鐘
售價：約HK$293
喺日本AV界，有好多女優都憑住一副超絕品身材而名成利就，好似有「人類最強BODY」之稱嘅沖田杏梨，以及被喻為AV界峰不二子嘅Julia。峰不二子係經典動畫《雷朋三世》中，擁有黃蜂腰、修長美腿及豐滿巨乳嘅女特務。無獨有偶，日本寫真界亦有一位被稱為寫真界峰不二子嘅女優，佢就係忍野沙羅喇。20歲嘅忍野沙羅未拍水着寫真之前，係一名相當有名氣嘅賽車女郎，佢之所以為人熟悉，除咗因為樣子俏麗可人，笑起上嚟令人煩惱全消之外，阿妹仲生得高挑而豐滿，36-24-35三圍前凸後趷，胸前對脹卜卜G奶當然係最搶鏡啦！身材咁好嘅沙羅甫加入寫真界就引起哄動，仲稱佢擁有峰不二子嘅超現實身材。
寫真DVD《任性》就係忍野沙羅轉型做寫真女郎嘅首部作品，當中佢刻意擺脫賽車女郎形象，換上嘅打扮有女僕裝、超低V泳裝、內衣以及體操服，總之就係冇賽車女郎裝。沙羅除咗透過各種性感衣着凸顯胴體嘅誘惑味道，仲會做出好多高難度動作，例如立定一字馬，令作品更值得大家細味。
碟名：《任性》
收錄時間：115分鐘
售價：約HK$293
撰文：賢