運動有助強身健體，仲可以有效增強性機能。家陣好多智能手機都有指紋辨識功能，最近有人發現唔用指紋，用命根兒一樣可以解鎖。人體實在有太多奧妙之處，究竟女性達到高潮時，身體會有咩變化呢？
小弟去到邊都畀人叫做肥仔，我亦對呢個外號頗為喜歡，因為易記，女仔見一次面就以後都記得我。之不過，小弟好可能喺未來嘅日子變身弗佬，因為我將會努力做運動操弗自己，為未來嘅性福着想！最近英國一個媒體發表一篇文章講解好多有關運動對男士性機能嘅好處，表示做運動可以強健體魄，雖然同命根兒關係唔係咁直接，但係做愛乃一種全身運動，體魄增強就可以令男人喺床上表現更加勇猛，且持久力更強。另一方面，做運動可以預防患上勃起功能障礙，哈佛大學早前就透過研究發現，有進行恒常運動嘅男士比起冇做運動嘅男士，患上不舉嘅機率低3成之多！各位男士為自己又好，為伴侶又好，一於養成良好嘅運動習慣啦！
指紋鎖愈嚟愈普及，但係咪真係安全可靠呢？美國一個叫做《流言終結者》嘅節目，主持人只係用一張有指紋嘅透明膠片，就成功將大型保險庫嘅指紋鎖解開，所以指紋鎖都唔一定安全，咁點算好？早前一個英國人買咗部有指紋鎖裝置嘅手機，不過佢就嘗試用身體不同部位去進行掃描，佢首先用命根兒，結果畀佢完成掃描步驟，並且成功用命根兒解鎖。之後佢又嘗試用乳頭、手肘同腳趾，同樣獲得成功，不過當佢嘗試用「百寶袋」就失敗咗。如果大家想加強手機保密，不妨學呢位仁兄啦！
對於男人嚟講，到達高潮就好似打個冷震咁簡單，之不過對於女性嚟講，要得到高潮一啲都唔容易，有研究指出只有四分之一嘅女性曾經嘗過高潮滋味，有唔少女性可能一生人都享受唔到高潮。至於能夠喺床上獲得高潮嘅女性，在此小弟恭喜佢哋得到呢種幸福。話時話，究竟女性到達高潮時感覺係點嘅呢？原來佢哋嘅身體會出現好多變化，首先擁有多條快感神經嘅陰核會充血，而下陰內壁亦會出現6至10次嘅抽搐，同時大腦會釋放安多酚以及催產素呢兩種激素，而安多酚水平會比平常高出多倍，另外令人感到疲勞同不快嘅皮質醇水平亦會下降，所以話呢，高潮對女性幾咁重要，男士們麻煩你哋要為伴侶嘅幸福而努力喇！
撰文：賢