好多男人都因為持久力弱而煩惱，其實只要夠4分鐘已經達到平均水準。老一輩成日都話男人有自娛習慣會傷身，不過現代醫學就表示適量又適當咁自娛，絕對有益健康。中國茶葉享譽國際，而炮製茶葉一啲都唔簡單，單係採茶就已經係一門學問，有班囡囡着得性感又跳晒舞咁採茶，究竟搞邊科呢？
城市人做乜都要快，好似搭公共交通工具畀錢慢少少，就已經聽到排後面嘅乘客發出不滿嘅聲音。之不過，做愛就一定冇人希望快趣完事，特別係男人！因為每個男人都覺得擁有強勁持久力至有男子氣概，若然係快槍手，真係一世都抬唔起頭做人！然而，做幾耐先至算合格呢？最近有醫學雜誌發表研究結果，表示女士們平均想要嘅交歡時間為23分鐘，之不過男士們平均只係得3分45秒持久力。英國一個傳媒就呢個結果，問咗8,369名成年男士，當中有56%話有信心可以做得長過呢個「標準時間」。另外，有44%表示冇信心，睇嚟英國男人都唔係咁勁咋喎！各位港男睇到啦！上床時間即使只係4分鐘都已經勁過好多英男，係咪有番多少自信呢？
早前有個男人衣着出位，唔係話佢扮到好似小甜甜或者美少女戰士咁款，而係佢所着嘅外套上面寫住「一滴精 十滴血 手淫縱慾傷身折壽」。雖然唔知佢係有心定無意，但係其目的好可能係勸戒各位男士少啲自娛。之不過，事實上適量又適當地自娛實在無傷大雅，更係有益添！早前哈佛醫學院一個研究顯示，40至49歲嘅男士每個月發洩至少21次，令患上前列腺癌嘅機率降低22%。另外，負責研究嘅Jennifer Rider博士補充話，每月發洩少於3次嘅男士，早死嘅機率亦較發洩得多嘅男士為高，所以各位男人有需要就千祈唔好忍喇！
有云粒粒皆辛苦，每粒米都經過農夫花長時間以及好多心機去栽種出嚟，所以大家千祈唔好食剩飯。事實上其他農產品亦一樣係農民辛苦咁悉心種植同打理，例如茶葉咁，採完茶仲要經過多個工序如炒茶、發酵等。我從好多飲食、旅遊節目當中，見到茶農好多都係被日光曬到黑晒嘅嬸嬸，點解喺杭州呢個茶園度見到嘅採茶者，全部都係妙齡少女呢？如果係咁，我真係要放個長假期去客串做茶農喇！早前杭州一個茶園突然出現咗一班身穿性感芭蕾舞衣嘅少女去採茶，佢哋唔只採茶動作充滿韻味，仲表演埋柔軟體操，搞邊科呀？原來呢班少女係參加當地選美比賽嘅佳麗，去採茶係其中一個考驗，畀評判睇吓佢哋點樣一邊採茶一邊表現自己喎！
撰文：賢