想成為一個著名模特兒，唔單止要有迷人美貌同火辣身材，最重要係有人氣。為此，有模特兒不惜走旁門左道，靠緋聞、公開露肉博出位。不過，伊小七情願努力工作，喺唔同嘅平台上散發魅力，憑實力上位。
今年23歲嘅伊小七，出生於盛產美女嘅四川成都，英文名MoMo，暱稱叫七七，可能阿妹好鍾意數目字七啩。佢擁有令人一見難忘嘅美貌，加上玲瓏浮凸嘅火辣身材，憑住呢兩項先天優勢，令佢有足夠本錢喺寫真界站穩陣腳。事實上，喺寫真界有相當工作經驗嘅佢，先後推出過多輯網絡寫真，經常以唔同造型示人，加埋傻萌嘅性格，簡直令男人愛死佢！
喺寫真界獲得極高人氣嘅同時，佢嘅工作領域擴展到其他範疇，平面廣告、車展、電子產品展嘅靜態Show Girl、時裝及內衣騷嘅天橋模特兒、大型商演活動嘅禮儀小姐、運動產品嘅體育寶貝等，真係邊度都可以見到佢嘅蹤影。但係阿妹表示最愛嘅工作，始終係拍攝寫真，事關可以讓佢盡情散發個人魅力，迷倒眾生。
為咗拍攝寫真，阿妹付出過唔少努力，例如經常轉換形象帶畀大家新鮮感，從泳衣、內衣、制服到彩繪等，以唔同造型展現魅力。另外，佢經常到外地進行旅拍工作，希望喺寫真中加入更多異國元素，佢話作為一位專業嘅寫真模特兒，最重要係對自己有更高同更嚴格嘅要求。
早前佢又轉換形象，就係去咗染髮！染髮有幾咁特別？對於好多人嚟講，染髮係家常便飯，但係對於小七嚟講，絕對係大突破，佢表示平時拍攝寫真，攝影師要求佢做出虛掩兩點嘅甫士冇問題，只係講到受之父母嘅頭髮，就從未諗過染其他顏色。而染咗一頭棕髮嘅佢，獲得粉絲激讚，仲話更添萌味！至於問到佢會唔會學其他寫真模特兒咁，往演藝界發展時，佢就話暫時未有考慮，唔係佢唔想加入演藝界，而係現時工作太忙冇時間抽到出嚟拍戲，希望將來可以欣賞到佢嘅演出啦！
簡介：有人話伊小七嘅寫真似旅遊雜誌，因為經常見到佢去到唔同嘅地方拍攝戶外寫真。其實佢之所以能夠到外地拍攝，真係要靠一眾粉絲嘅支持，否則佢又點會有動力繼續諗新意思呢？如果想更深入認識阿妹，可以Click入佢嘅微博睇睇！
網址：http://weibo.com/u/1924858543
出生地：四川成都
三圍：35-23-35
身高：166cm
撰文：魂