幻想係美麗，現實係殘酷，一個調查發現男同女對於理想嘅命根兒長度雖然有所不同，之但係全部都脫離現實。家陣已經愈來愈少人會坐定定煲劇，不過喺外國就唔同，早前一套新劇開播，搞到少咗人睇鹹網！鴛鴦浴係一種良好前戲，然而建造關係要時間，而要破壞良好氣氛，只需一瞬間，有咩行為會搞到伴侶突然冇晒性趣呢？
每個人都有自己嘅理想，好似小弟我咁，畢生理想就係做富二代，玩世不恭咁就爽啦！可惜，現實係窮鬼一名。理想同現實的確係有好大落差，好似男人同女人理想嘅命根兒長度亦係一樣。英國一個調查搵來1,000多名成年男女進行問卷，希望可以藉此了解一下，佢哋心目中最理想嘅命根兒長度。男士方面，佢哋理想嘅命根兒長度平均為6.5吋，至於女士方面則認為係6.2吋。而喺現實中，英國男士們平均勃起長度為5.1吋，換言之現實中嘅命根兒長度都達唔到男女雙方嘅理想長度，而專家就話大家應該面對現實，咁在意長度不如在意一下床上技巧以及溝通仲好。
小弟好難得提早返到屋企，同母親一邊食飯一邊睇電視，嘩！不得了！家陣大台嘅電視劇真係悶出鳥來！劇情拖拖拉拉，演員對白冗長，唔怪得近年咁少聽到身邊嘅朋友話要趕返屋企煲劇喇！外國嘅觀眾就幸福得多，好似最近播放嘅《權力遊戲》第六季咁，就吸引到好多觀眾支持喇。呢套劇嘅背景係一個有龍存在嘅魔幻世界，當然除咗有飛龍睇，仲可以睇到人類勢力互相勾心鬥角，有觀眾表示睇呢套劇唔單止可以睇飛龍，仲可以睇到好多波，因為劇中有唔少裸露場面，難怪咁吸引啦！而呢套劇啟播嘅時候，仲搞到知名鹹片網站Pornhub嘅瀏覽量下降百分之四。另一方面，上網站搜查與該劇相關鹹片嘅數量則上升咗百分之三百七十咁多，睇嚟鹹片商要拍番套相關作品應市喇！
男女相處日久，感情自然會昇華到另一個層次，咁就可以進行好多普通朋友唔會做嘅行為，例如上床及鴛鴦浴。一對男女嚟個鴛鴦浴，感覺舒服又放鬆，仲可以幫助燃起性慾。女仔肯同你鴛鴦浴足以證明對你極之信任，亦表示彼此關係已到達相當穩定嘅地步。早前日本就進行一次調查，訪問咗上千位女士，問佢哋覺得鴛鴦浴時男方進行邊一種行為會令佢哋反感，同時令性慾消失於無形，排名第三位嘅係男士喺沖涼嘅時候整理髮毛，例如刮鬍鬚，因為女仔覺得咁做唔合衞生，二來亦覺得男方唔在意自己。排第二位係唔預先清潔一次身體就浸入浴缸，原因當然亦同缺乏衞生有關啦。不過，女仔最唔鍾意都係男方喺鴛鴦浴嘅時候亂咁吹水，內容如果係發牢騷，例如談及今日返工遇到咩問題等，女仔就會覺得破壞晒氣氛，仲會覺得疲勞增加，自然冇晒性趣啦！
撰文：賢