唔識路嘅好色之徒去外地玩之前，都會上網做功課，但係即使做定晒資料搜集，仍然要搵路才去到目的地，結果未入閘已經行到身水身汗，令人相當無癮。有搵食老手就話最好問當地嘅的士司機，畀到建議之餘，仲會將你送到去目的地。問題係，你信唔信得過佢先？
所以話家陣去玩，真係要貼實個科技市場至得，事關你以為北上玩樂靠網絡，唔係上網搵資料就係用手機聊天App四圍搵，呢啲做法好似盲頭烏蠅亂咁摷，真係費時失事。講到針對性，內地最近興起用租人App，方便你租番個短期朋友陪你一齊去玩，不過由於呢類App嘅內容太過自由關係，故此畀淫業界睇中，以租人作為掩飾，透過陪食飯、陪旅遊、陪睇電影嘅名義，實質提供色情服務。對於玩家嚟講，呢種方法真係好方便，而執法部門亦難以打擊。聞說為咗能夠更易繞過法規，甚至有出租視頻嘅服務，囡囡透過視頻平台玩色情視頻，因為價錢平、時間自由，所以極受歡迎。
喺網絡仲未普及嘅年代，想喺內地尋花問柳又唔識架步，有前輩話最好嘅方法就係問的士司機。由於對方可得到夜場回佣關係，故此好多時都會得到相關資料，原來呢種做法喺台灣一樣有。話說台中市一名的士司機，相當熱衷對乘客推薦當地北區一間半套店，唔理乘客係乜嘢人，佢都會極力推介呢間店嘅收費合理，兼且服務夠晒周到。此外，佢又表示喺半套服務過程中，小姐唔會趕時間或強迫玩家加鐘，相當有職業道德之餘，小姐嘅手技更係超卓，認真係物有所值咁話。大家睇到呢度，係咪以為呢位司機有佣收，否則點會咁積極呢？半套店嘅45歲黃姓女負責人指，佢從未叫過呢位司機幫手宣傳之餘，更因對方一次多口同任職警務人員嘅乘客推介，結果搞到呢間半套店被查封。
踏入夏季，一出街就已經熱到成身汗。有見男士熱到成陣除，位於日本神奈川縣小田原市嘅「愈之城下町」美容沙龍風俗店，推出名為「洗體Esthe」嘅汗季專享套餐，等男士可以舒舒服服迎夏日。乜嘢叫做「洗體Esthe」呢？佢同傳統嘅侍浴有啲分別，傳統嘅侍浴只係幫玩家洗白白同擦身，而呢種新玩法係會提供除毛、護膚、美白等美容服務，仲會有按摩，當中梗係唔少得手作仔、素股、吹奏等嘅情趣服務。將美容、按摩同曳曳合而為一，收費每60分鐘8,000日圓（約576港元），呢個價錢真係平到極，難怪雖然家陣日本唔算熱，但已經吸引唔少玩家捧場啦！
撰文：魂