經濟唔好，打工仔持續進修先唔會被市場淘汰，咁讀咩好？唔知脫星大學課程閣下有冇興趣呢？凡年滿十八歲人士，只要有志成為脫星、編劇、導演甚或鹹網管理員都歡迎參加，新張期內大優惠，半年學費五舊港紙都唔使，連美國一線脫星都瞄到實，你點可以執輸過人先？
雖然修畢呢個「脫星大學」唔會有證書，亦唔會有介紹信，更加唔會識到人，不過官方報稱可以幫你達成靠色情搵飯食，係咪即刻有番啲興趣呢？報稱由美國一個喺2月正式成立嘅Porndemy.com舉辦，佢係一個鹹網但冇鹹嘢睇，因為佢係開班教授全球有志喺成人界搵食男女，十八歲以上就可以網上報名參加，唔係飛去當地上堂，因為全程遙距授課，你鍾意幾時上就幾時上，有乜來頭？官方從未交代，只係話籌備經年，課程內容包括超過120套色情視頻教材及80,000文字教程，咁你就會學識到：如何成為專業脫星、如何製作高質素色情內容、如何分發內容及最關鍵嘅如何透過鹹網賺第一桶金喇！係咪咁堅呢？網站啱啱新開真係冇人知，但多間成人新聞網都有報道，仲話佢哋簡單易明兼有效，將「色情學院」企業化，達到表演，生產及銷售，令門外漢都可以一手包辦咁話！點解會有「色情學院」呢個構思，Porndemy發言人就話由於自Netflix播放一套叫《Hot Girls Wanted》後有感市場有需要，所以就搵嚟多位資深業內人士開發教程喎！而網站所見，第一期課程為期六個月，之後係點未公布，原價$99.99美元，依家$59.95美元就得，折合港紙都唔使五舊水，冇隱藏收費兼有14天不滿意原銀奉還保證，上網登記付費就得喇！
坦白講，Porndemy官網你可以話清晰，亦可以話好流，因為除咗字字字，連一張寫真都冇，又冇交代邊個分量四仔人員編寫教程，欠缺說服力囉！好在佢都由淺入深兼單刀直入講解，據成人新聞網記者表示，視頻非常直接，第一章教深喉、第二章教走後門、第三章教潮吹、第四章教男人如何「做極唔射」及第五章教變「大鵰」等，不過巴打自己要留意，細佬覺得咁同多年嘅性學書有乜分別，只不過將文字變成短片，有男女砌畀你睇咁解囉，不過Porndemy嘅Twitter一開即吸引過百位脫星Follow，再睇下有邊個，竟然發現粒粒皆星，好似Sara Jay、Kayden Kross、Jayden Jaymes、Nina Elle、Sophie Dee及「性學者」Jesssica Drake等呢班姐仔，乜佢哋唔係早就上晒神枱，有公司有網站，點解都仲要留意呢？定還是佢哋想同Porndemy合作，希望睇中做代言人掠多筆咋，點都好？願者上釣，五舊「入場費」莫講話做生意，真係學門手藝都未止，技術可以變到脫星咁純熟，唔使露面唔使上堂，港女真係唔怕學呀！
可惜有網友就話Porndemy係靠抄，事關類似嘅「色情學院」四仔界早就有，就舊年，演出超1,700套四仔、有「千人斬」之稱嘅意大利中佬男優兼導演Rocco Siffredi就成立學院，將多年臨床經驗及導演心得傳授後人，但據聞第一日上堂，就有2名男學生認為講多過「做」，覺得失望而退學。
而英國亦有類似嘅「脫星2日雞精班」，由當地四仔製片、導演、攝影師及脫星輪流講解鹹片注意事項，覺得有料到嘅仲可以再進修4至6星期臨床課程，真正落床客串拍四仔，最後有DVD送番過你呀！
網址：https://porndemy.com/
撰文：祖