脫星界秒秒出出入入，信得幾多？又寫得幾多呢？都講過，脫星退役其實只係放大假，皆因佢哋鍾意又會返嚟，鍾意又用其他形式再剝過，難怪四仔迷都冇晒反應囉！之不過，今日呢位脫星Karmen Karma話引退，巴打真係要信，理由係阿妹用咗兩年時間鋪排，擺到明對床戰心灰意冷，轉型做時裝生意唔知有冇得諗呢？
2016年一半都未過，真引退真回歸嘅脫星多到連細佬都記唔晒，細佬不僅唔傷心，更會笑一聲睇你「忍」得幾耐，通常兩年會再蒲頭。好似早幾日同巴打講過，美國熟女「Brandi Love玩老點」，一年前今日話完成手頭上12套片即收檔，各界收晒風力撐Brandi Love四仔，點知阿妹今日話被老屈，由此至終冇諗過退下火線，未來仲會玩得更激添喎，笑死唔笑死！冇所謂，百貨百客，阿妹有市場繼續撈都無可厚非，但下鋪到你引退，四仔迷肯定同你洗版，呢啲嘢就要當事人自己承受喇！
要知道脫星係堅引退定全心呃Like，除咗要睇當事人呢一兩年對四仔心態，喺社交網發Po都有蛛絲馬迹，好似今期最多網友討論嘅Karmen Karma，阿妹就肯肯定咁同粉絲說再見，Karmen Karma喺Twitter親自寫上：「Yes」態度幾Firm幾有分量，擺到明係唔再食回頭草嗰隻呀！但同時間，今年「犯太歲」嘅男神James Deen即刻衝出嚟抽水，喺社交網喪發Po，「些牙」同阿妹合作過嘅四仔，當然有埋連結方便大家去James官網購買啦，好心，James流年咁多是非就低調啲啦，抵你畀人撳住唱嘅！
講番Karmen Karma之所以走得咁狠其實唔係搵夠唔憂做，阿妹反而要繼續賣波，只係唔再拍四仔啫！其實早喺兩年前阿妹成立個人網站，當姊妹都賣鹹相鹹片有錢快手搵，Karmen妹就冇急功近利，反而學人玩設計，將個人認為有Feel又索到爆嘅寫真印喺衫褲襪帽上面發售，坦白講，當時外界反應一般，但捱過兩年，Karmen嘅設計已發展到有男女裝，由背心胸圍到女人必備嘅Leggings都齊晒，啲Design仲好Fashionable！咁難怪麻甩佬Buy，姊妹們都忍唔住手要搶番兩條緊身褲，晒下Sex Appeal嘛！
無可否認Karmen妹有商業頭腦，因為由佢2010年入行，四仔演出唔過300套，挾住34DD又冇代表作，最叻叻算係2014年捧走鹹網Throated.com嘅「Deepthroat Challenge」冠軍，但吹到嘴歪可謂得來不易，亦為重口味形象深入人心，打後阿妹逼住愈演愈激，你以為佢好歡喜，查實佢喺宣布引退後個人網誌自白一切都係假，Karmen每日都唔開心，更感到迷失及徬徨，阿妹討厭自己，討厭性愛，個人無晒夢想，好在官網生意搵番自己，佢決定行自己嘅路，因此佢臨尾一句，永遠愛大家，仲肯定會活躍在Twitter及Officialkarmenkarma.com，巴打可以放心啦！引退理由幾辛酸幾淒美，但事實邊有咁簡單呢？有單新聞係2013年發生，話說當時阿妹初入行簽咗畀「101 Modelings」經理人公司，5個月左右經朋友介紹簽咗LA Direct Models，合約未完，點知公司喺未得Karmen同意下，將個人資料刊登喺另一間叫The Luxury Companion公司，搞到阿妹火都嚟，完約即刻飛番101 Modelings掛牌，殊不知喺接拍四仔時，當時阿妹要求戴套上陣，無奈最後都係「環保爆」，事後阿妹同經理人理論，最後更嘈到報警兼上法庭解決，總之就麻煩啦！之後幾年阿妹就過咗OC Modeling落腳喇！知情人士都深信Karmen妹早就對四仔界絕望，所以努力搵出路，今日終於畀佢搵到，可以安心離開幕前囉！
網址：www.officialkarmenkarma.com/
撰文：祖