近期天氣漸趨穩定，唔少日子仲陽光普照，梗係要去戶外做吓運動促進健康啦！喺日本，一眾AV女優早前參加咗一個春季運動會，唔單止玩得放，仲玩到出晒汗兼流晒淚！我哋即刻睇吓班AV女優到底玩乜玩到咁激啦！
如果有留意《AV達人》的話，大家應該留意到小弟不時會報道，有關由AV女優為骨幹成員嘅惠比壽★麝香葡萄嘅消息。雖然佢哋算係見報率高，但相信大家唔會睇到厭睇到悶，因為呢個成員眾多嘅女子團體的確屢有新搞作，其專屬深宵電視節目《麝香葡萄之夜》亦然！最近麝香葡萄更加為迎接春天來臨，喺節目上演盛大而隆重嘅「春之大運動會」，進行分組競技。喺呢個春運會中，三十多名麝香葡萄成員分為紅白黃三個組別，分別由明日花綺羅、川上奈奈美以及古川伊織擔任隊長。運動會開始前，大會司儀小木博明特別安排即將喺4月25日正式引退嘅黃組成員上原亞衣代表大家宣誓，表示今次運動會友誼第一，比賽第二，另外大會仲搵嚟節目常駐嘉賓阿佐佐谷姐妹私人捐出價值十萬日圓嘅餐飲美食券畀勝出嘅一組。
勝出可以得到十萬日圓餐飲券嘅消息一被公報，眾多女優無不大聲歡呼，更加燃起無比鬥心，希望喺運動會勝出。第一場比賽係30米短跑，由於《麝香葡萄之夜》嘅錄影廠唔係咁大，是以今賽眾多健兒需要繞圈比賽。第一圈比賽就出現意外，原本係由明日花綺羅、田森美咲同小野美公賽跑，但係小野美公又肥又論盡，喺第一個彎位就跣腳仆低喇，另外嘅第二及三輪比賽大致都冇乜意外。第二項比賽係踩三輪車，由於所用嘅三輪車係小朋友專用嘅款式，眾多女優坐上去都有少少勉強，踩起上嚟就更趣怪。第三項係中途呷醋賽跑！由由愛可奈、神崎紗衣同蒂亞出賽，三人鬥快跑到一張枱，上面放咗3杯果醋，由於濃度特高，佢哋飲完都即刻打個冷震，而神崎紗衣更因為唔慣呷醋加上跑到上氣唔接下氣，呷醋時搞到嗆親，眼水都標埋出嚟呀，陰功豬！
由於神崎紗衣將成杯醋噴晒出嚟，裁判就判佢包尾，呢個時候同組隊員湊莉久，唔知點解咁好火氣上前理論，更幾乎同幫裁判口嘅蒂亞大打出手，幸好被大家及時制止，否則一場囡囡大戰會爆發。
第四項嚟到障礙賽，參加嘅女優包括藤原亞紀乃、川上奈奈美及三田羽衣，佢哋要鬥快經過魚網陣，仲要喺一個載滿麵粉嘅盆入面用口搵一粒波子，含住佢再彎身穿過枱底跑向終點。由於川上奈奈美胴體纖巧又靈活，畀佢順利勝出為白組爭番一口氣。第五場就類似二人三足比賽，三組分別排出長蛇陣，然後再將隊員左右腳與前位嘅隊員用繩綁住再鬥快。嚟到最後一場比較得意，就係拗手瓜大賽，雖然大山婆小野美公由頭贏到尾，但係身為家庭主婦嘅G奶人妻白石茉莉奈一樣唔弱，喺最後一戰連贏小野美公兩局，令紅組成功搶分，之不過最後總分都係白組最高，並贏得十萬日圓餐飲券。
撰文：賢