以為十八禁嘅成人遊戲最重要只係情慾場面，呢種諗法真係大錯特錯！事關為咗令玩家玩得更加投入同有趣味性，成人遊戲商愈嚟愈重視遊戲嘅故事，好似呢個最新登場作品《DUNGEON OF REGALIAS～背德之都ISHGALIA～》嘅故事性相當強，講述曾經擁有高度魔法文明兼且極度繁華嘅空中都市溫達爾，因為受到各種超大型魔法襲擊而從空中墜落，居住喺都市內嘅所有居民幾乎全部喪生，喺巨型火山口底部變成廢墟都市後，吸引咗流浪嘅民眾居住，慢慢形成幾條村落。經過漫長嘅歲月，變成巨大兼且繁榮嘅都市ISHGALIA，雲集各種魔獸同惡鬼。佣兵奧利亞斯為咗尋找失去嘅記憶，於是嚟到呢個都市嘅地底迷宮，並且聯同一眾性感美女夥伴對抗怪獸，最後佢哋嘅命運係點呢？