日本成人漫畫界有唔少人妻題材嘅作品，幾乎每位成漫家都曾經畫過呢個主題，但講到專注於呢類題材，並且深受成漫迷歡迎嘅非山文京傳莫屬，今次介紹嘅呢本《冬之紫陽花》就係其代表作。
出生於日本神奈川縣嘅山文京傳，早喺1995年投身成漫家行列，處女作係喺成人漫畫月刊《COMIC Hot Milk》上發表嘅《灼熱之炎》。從呢本作品中可以發現，佢並非一心諗住喺人妻題材上發展，加上當時嘅畫功仍處於稚嫩階段，故此反應一般。及後佢喺另一本成漫月刊《X COMIC》上發表《禁斷的方程式》，憑住人妻故事終於引起成漫迷嘅注意，自此之後佢就專注於創作人妻題材嘅漫畫。
隨住人氣不斷上升，佢喺1996年推出單行本作品《10‧After》、《頃刻的迷夢》、《獨腳戲啊！》等，而講到成名作，卻要數喺1997年推出嘅人妻經典，兼且係佢代表作之一嘅《緋色之刻》。講述女主角緋田悅子點樣從端莊嘅人妻，變成被人凌辱嘅可憐故事，獲得極佳嘅成績之餘，更喺2001年推出動畫版。成名之後，佢推出過《Sein》、《沒有窗的房間》、《沙之鎖》、《READINESS》等作品，故事精彩之外，畫功亦顯得成熟，構圖更加豐富，視覺效果一流。佢除咗推出成漫作品外，更不時參與同人作品嘅製作，務求將創作理念帶畀新進嘅漫畫家。
今次介紹呢本《冬之紫陽花》，係喺2013年推出嘅作品，貫徹佢一向嘅人妻主題，除咗收錄點題作品《冬之紫陽花》第1至第6集外，仲有《SHARING》、《出租家族》及《夢》3個單元故事，合共9篇作品。講到當中最值得推介嘅單元，梗係唔少得《冬之紫陽花》，而另一個故事《出租家族》同樣值得大家留意。
《冬之紫陽花》嘅劇情同《緋色之刻》有啲相似，故事以倒敍法開始，講述人妻檜山美冬背夫偷食兼玩情慾自拍，但佢沉醉於高潮時，卻感到強烈嘅罪咎感，究竟發生乜嘢事呢？美冬本來擁有美滿家庭生活，亦係一位女強人，有日佢主管嘅部門嚟咗個新員工夏川悠介，一次部門聚會後，悠介將醉酒嘅美冬帶返屋企，然後上床，原來悠介早就打算將美冬變成私人玩物！本嚟美冬拒絕悠介嘅追求，卻估唔到對方竟將當晚嘅情況攝錄低，並且要挾美冬如果唔順從嘅話，就會將段片交畀佢老公。起初美冬怯於淫威之下，只好順從悠介嘅變態要求，經過一段日子後，佢漸漸樂在其中，更變得愈嚟愈大食。呢個時候美冬嘅丈夫收到一個裝有大量美冬淫照嘅公文袋，究竟呢段夫妻關係會點樣發展落去呢？
至於《出租家族》發生喺一間提供「出租家人」服務嘅特殊性服務公司，而按照客人嘅要求，公司嘅演員會扮演委託人所需嘅家人，若然佢哋有性要求，演員都會照做。喺呢間公司工作咗一年嘅美沙子，專門扮演人妻角色，喺一次工作中，佢同委託人一齊沖涼，突然有個男人闖入，原來佢係上一單工作嘅委託人，跟住接二連三有人闖入，而據公司嘅解釋係由於美沙子相當受客人歡迎關係，預約早已排得密密麻麻，因而令一眾委託人不滿。為咗平息大家嘅怨氣，經理竟然提出一個令人極為意外嘅建議，而美沙子聽到呢個建議之後，感到既興奮又緊張，想知道結局係點？就由你慢慢睇喇！
《冬之紫陽花》
作者：山文京傳
出版：CORE MAGAZINE
頁數：197頁
撰文：魂