作息有定時，係保持身體健康其中一個要素，既然係咁，上床又有冇話最好喺邊個時間呢？好多人與伴侶同床異夢，更覺得與前度嘅床戰較滿足。床上玩意五花八門，大家又鍾意玩邊一款呢？
晨早起床清新開朗，平日小弟會堅持早睡早起嘅習慣，咁樣先夠精神面對沉重嘅工作壓力，唔知大家又係咪呢？提到早起，相信唔少巴打都會出現晨勃嘅情況，代表精力十足、血氣旺盛。美國路易維爾大學教授Stephen J. Winters就對男人嘅生理時鐘進行一系列研究，睇吓可唔可以發現到一個最適合男士開展床戰嘅時間表。教授從男人體內嘅睾丸酮素水平入手，因為充分嘅勃起硬度需要高水平嘅睾丸酮素。研究結果發現，男人睾丸酮素最高嘅時段係凌晨4點至朝早8點，而7點鐘水平通常都係達到最高，呢一點就正好解釋到晨勃嘅出現，亦係一展雄風嘅好時機！嫌時間太早，對手未必會配合到？唔使驚，中午1點亦係睾丸酮素升高嘅時間，雖然水平冇晨早咁高，亦可以話係一個合適嘅時間。
日本AV係拍畀男人睇嘅，故從作品當中可以反映出觀眾嘅嗜好，例如女優以靚女佔大多數，就反映大家嘅口味都係鍾意美女，至於床上玩意方面又點呢？日本咁多中出作品，又有咁多一女多男混戰題材，咁又係咪代表日本男人鍾意玩呢兩味呢？唔好意思！最近一個調查就冇問到呢兩方面是否日男嘅至愛，之不過從調查結果當中可以知道日男最鍾意玩SM！調查單位喺涉谷、秋葉原、上野三個地區訪問咗多位成年男士，了解男士們最希望玩邊一款床上玩意。結果排第三位嘅係女仔提供口舌服務以及玩情趣玩具；第二位係角色扮演，至於SM就係最多日男鍾意玩喇！佔7成票數都係投SM，當中有受訪男士話家陣嘅女仔身嬌肉貴，好想用繩綁住佢哋睇吓有咩反應喎！但玩時玩，以安全為優先，唔該！
夜深人靜，又適逢自己飲多兩杯，小弟都會諗起好多往事，特別係諗起好多從前追過嘅女仔，諗吓當日點解自己有機會都唔好好把握，家陣就唔使一個人孤獨飲悶酒啦！相信好多男男女女都好似小弟一樣咁周不時會緬懷過去，回憶起與前度一齊嘅浪漫日子。偷食網站「IllicitEncounters.com」早前進行相關調查，透過網上問卷訪問咗1,100多名已經有伴侶或已婚嘅男女，睇吓佢哋會唔會諗番起前度。男士方面，有48%表示懷念與前度嘅關係，不過只係得24%話希望可以同前度上床，咁又係，男士一向貪新忘舊，有新女又點會翻啅舊愛呢！至於女士方面就比較重舊情喇，唔單只有56%覺得同前度嘅床戰係最滿足，更有59%希望可以同前度上床，睇嚟佢哋嘅伴侶真係要反省一下，係咪滿足唔到對方喇！
撰文：賢