雖然話做人唔好鋌而走險，但世事嘅嘢唔係話你小心啲就會安全，因為危機同機會都係一樣，隨時會主動埋你身。既然係咁，可以點做呢？應該每次做事之前，先停一停，諗一諗所做嘅嘢係咪有違法規同埋唔道義，如果係嘅話就唔好去做喇！
自從內地早幾年開始嚴打地方色情活動後，唔少夜場都執得就執，尤其係嗰幾個熱玩「性地」，家陣已經轉型，環境同以前相比真係相差好遠。不過酒店、夜總會、倉仔等呢啲色情場所雖然少咗，但熟知內地玩樂情報嘅玩家都心水清，想搵食嘅話仍然有窿路，其中一個搵食情報就係嚟自網絡，好多燈頭都會透過網絡做宣傳、聯絡玩家、安排交易地點，生意仲愈做愈大添！不過，呢種好景情況維持唔到幾耐，皆因自去年底開始，內地嚴打網絡色情訊息，除咗有色情內容嘅網站被封之外，手機帳戶亦係被嚴格針對嘅對象。正所謂「道高一尺，魔高一丈」，縱然生存空間愈嚟愈細，卻唔代表佢哋冇辦法繼續喺狹縫中生存嘅。
須知道喺台灣經營色情場所係違法嘅事，當警方獲得資料嘅話，會先進行跟蹤搜證，跟住再展開取締行動。既然係咁，按道理佢哋應該唔會幫色情場所營業者。不過呢位喺台中第一分局公益派出所嘅洪姓警員卻因私人關係，竟然進行違法行為。話說喺台中經營色情護膚店嘅賴姓女子，發現店外經常停泊一輛的士，懷疑對方進行偷拍，於是委託相熟洪姓警員，幫忙喺警政系統調查呢架的士。洪男得悉後就先讓唔知情嘅同事登入系統查該車嘅資料，但係查咗兩次都冇結果，於是佢又用自己個帳號登入系統，仍然冇發現。原來警方一早知道色情護膚店嘅存在，並喺的士進行跟蹤搜證。東窗事發後，洪男雖然冇受賄嘅證據，但仍被控以洩密罪，早前被判以3個月徒刑及緩刑兩年。正所謂正邪不兩立，呢個正係好例子。
日本嘅經濟愈嚟愈差，搞到已經引退嘅風俗孃打算重操故業，而風俗業界為咗維持生意額，更推出減價優惠吸引玩家。不過呢間位於東京新宿嘅出張風俗店「Tokyo Aroma Platinum」卻反其道而行，不但唔願意減價，反而收費昂貴，究竟佢搞邊科呢？原來呢間風俗店以高質素囡囡作賣點，平均年齡25歲左右，最近更推出「Fusion性感按摩」服務，即係將Spa同色情按摩兩者結合，等玩家既舒筋活絡又可以發射升空。據知呢種服務相當受歡迎，縱然60分鐘服務收費由25,000日圓（約1,750港元）起，仲未計各種雜費，但仍然客似雲來。
撰文：魂