話就話歐美四仔共同「睇」，但美國四仔界向來「霸道」，只有外來脫星，甚少有美國脫星向外闖。好聽咪美國市場夠大，容得下所有人，其實係美國妹咁多年都無視歐洲片廠至真！
好景就話唔使理，當美國色情事業放緩，本土脫星搵唔到食自然要向外闖，好似喺業界打滾多年嘅脫星Tera Patrick，真係有乜嘢風浪未見過，阿姐見盡新人加入、引退，到今日佢依然屹立不倒，你就知佢硬淨啦！硬冇問題，年紀大先係問題，有見及此，39歲嘅Tera姐就同一位經理人公司Fantasy Studio Agency老闆Alexia Mell合作，搵有潛質新人入行進軍歐洲市場，第一站就選址意大利。
早前Tera發新聞稿表示，雖然近年已減少幕前工作，但對四仔仍充滿熱誠，好希望將美國嘅色情文化帶到全球，選址意大利主要原因係Tera曾經去過當地做騷，覺得嗰度色情娛樂非常成熟，尤其係艷舞事業非常蓬勃，加上較易接受新事物，所以決定要喺當地插旗喎！而阿姐嘅角色，好明顯係想食住個人名氣做中間人，一邊吸納更多新血，培訓新人，然後再安排喺夜場表演，咁佢就可名正言順等退休喇，但邊有退得咁易？上fantasystudio.it網站一睇，得嗰兩三位新女，連Tera自己都要做生招牌，睇嚟距離真正唔使做仲有排捱囉！
網址：www.fantasystudio.it/1/tera_patrick_5095795.html
撰文：祖